Йирмея 10:20 - Мукъаддес Китап

²⁰ Чадырым бошады, эписи йиплери къопты; балаларым менден айырылып, кетти; чадырымны къураджакъ, перделеримни асаджакъ кимсе къалмады.

Йирмея 10:20 ပူးပေါင်းရင်းမြစ်များ

Эюп акъкъында китап 7:8

Шимди манъа бакъкъан козьлер бир даа мени корьмейджек, манъа бакъкъанынъда, мен ёкъ оладжагъым.

Икметли сёзлер 12:7

Яман адам йыкъыла ве ёкъ ола, инсафлы адамларнынъ эви исе йыкъылмайып тура.

Ешая 51:16

Сёзлеримни агъзынъа къойдым, сени къолумнен къорчаладым, коклерни ерлештирдим, ер юзюни пекиттим, Сионгъа: «Сен – Меним халкъымсынъ!» – дедим.

Ешая 51:18

Догъгъан эписи огъулларындан онъа ёл косьтерген ёкъ, осьтюрген о къадар огъулларынъдан къолундан туткъан кимсе ёкъ.

Ешая 54:2

– Чадырынънынъ ерини кенълештир, яшагъан еринънинъ перделерини узат, утанма, йиплеринъни узат, къазыкъларынъны пекит.

Йирмея 30:17

Мен санъа шифа берерим, яраларынъны яхшы этерим, – дей РАББИ. – Санъа «ред этильген, кимсе сорамагъан-арамагъан Сиондыр», – дей эдилер.

Йирмея 31:15

РАББИ бойле дей: – Рама шеэринде бир сес эшитиле, агълав ве аджджы къыямет! Балалары артындан Рахель агълай, тынчланмагъа истемей; онынъ балалары ёкъ энди!

Йирмея 4:20

Беля артындан беля келе: бутюн мемлекет бошап къалды, чадырларым апансыздан йыкъылды, перделерим бир аньде ёкъ олды.

Агълав йырлары 1:5

Оны чекиштиргенлер башлыкъларына чевирильди, душманлары раат олды; яман япкъанлары чокъ олгъаны ичюн, РАББИ башына беля тюшюрди; душманларынынъ огюнде балалары сюргюнлик этильди.

Микъа 2:9

Халкъымнынъ апайларыны озь гузель эвлеринден къувалайсынъыз, балаларындан эбедиен Мен береджек шуретимни тартып аласынъыз.