Йирмея 1:11 - Мукъаддес Китап

¹¹ РАББИ манъа: – Йирмея, не коресинъ? – деди. – Бадем терегинден япылгъан таякъны корем, – дедим.

Йирмея 1:11 ပူးပေါင်းရင်းမြစ်များ

Башланув 30:37

Якъуп тазе сельби, бадем ве платаннынъ пытакъларыны алып, оларнынъ къабугъыны кесип, беяз агъач ёлакъларыны ачты.

Ешая 55:11

Агъзымдан чыкъкъан сёзюм ойле де, Манъа бош къайтмайджакъ. О, истегимни беджереджек, япсын деп оны ёллагъан ишни беджереджек.

Йирмея 24:3

РАББИ менден: – Йирмея, не коресинъ? – деп сорады. – Инджир, – деп джевап бердим. – Пек яхшы инджирлерни ве пек ярамай инджилерни корем. Ойле ярамай ки, ашалмайджакъ къадар ярамай.

Ехезкель 12:25

Энди Мен, РАББИ, айтаджагъым, эм де Меним сёзлерим кечикмейип ерине келеджектир. Исьянджы халкъ, сизинъ куньлеринъизде эр бир айткъан сёзюмни ерине кетиреджегим! Бойле дей РАББИ-ТААЛЯ».

Ехезкель 12:28

Шунынъ ичюн оларгъа бойле айт: «РАББИ-ТААЛЯ шойле дей: Айткъан сёзлеримнинъ ич бири энди кечикмейджек, оларнынъ эр бири ерине келеджектир. Бойле дей РАББИ-ТААЛЯ».

Ехезкель 7:10

Бакъынъыз, шу кунь кельди! Башынъызгъа олюм кельди! Таякъ чечекленди, юзьсюзлик чокълашты.

Амос 7:8

РАББИ менден: – Амос, сен не коресинъ? – деп сорады. Мен: – Бир саркъманы, – дедим. Бунъа Рабби бойле деди: – Мына, Мен халкъым Исраильнинъ ортасына бир саркъма къояджагъым. Бир даа оларны багъышламайджагъым.

Амос 8:2

О, менден: – Амос, сен не коресинъ? – деп сорады. – Бир сепет пишкен мейваны, – деп джевап къайтардым мен. О заман РАББИ манъа: – Исраиль халкъымнынъ сонъу кельди. Бир даа оларны багъышламайджагъым, – деди.

Зекерья 4:2

– Не коресинъ? – деп сорады о. – Мына, бутюнлей алтындан япылгъан бир къандильни корем, – деп джевап бердим. – Тёпесинде зейтюн ягъы ичюн бир чаначыкъ, къандильнинъ устюнде де еди лампат, устюндеки лампатларда еди улукъ бар.

Зекерья 5:2

Мелек менден: – Не коресинъ? – деп сорады. – Мен бир учкъан бургъу кягъытны корем, – дедим. – Узунлыгъы он метр, кенълиги беш метр.

Сайылар 17:8

Эртеси куню Муса Шаатлыкъ Чадырына кирди ве, иште, Левий къабилесинден олгъан Харуннынъ таягъы филис атты. Филис аткъан сонъ, чечек ачты, ве бадем пишти.