Фаалиет 9:40 - Мукъаддес Китап

⁴⁰ Пётр эписини тышарыгъа чыкъаргъан сонъ, тиз чёкип дува окъуды ве олюге бакъып: – Табита, еринъден тур! – деди. Къадын козьлерини ачты да, Пётрны корип отурды.

Фаалиет 9:40 ပူးပေါင်းရင်းမြစ်များ

4 Падишалар 20:11

Шу вакъыт Ешая РАББИге мураджаат этти, ве РАББИ Ахазнынъ мердивенинден тюшкен кольгени мердивеннинъ он басамагъына къыскъартты.

Матта 6:6

Сен исе дува окъугъанда, эвнинъ арттаки одасына кир ве къапуны къапатып, гизли олгъан Бабанъа дува окъу. О вакъыт эр гизли ишни корьген Бабанъ сени мукяфатлар.

Матта 9:25

Эписи тышкъа чыкъкъан сонъ, Иса ода ичине кирип, къызчыкънынъ къолундан тутты. Шу ань бала еринден турды.

Марк 9:25

Халкъ чапып келип топлангъаныны корьген Иса арам рухкъа эмир этти: – Эй, тильсизлик ве сагъырлыкъ руху, Мен санъа эмир этем: баладан чыкъ ве онъа къайтып кирме! – деди.

Лука 22:41

Озю исе олардан бир таш атув месафесине четке барды да, тиз чёкип дува окъуп башлады:

Лука 8:54

Иса хастанынъ къолуны алды ве: – Эй, къызчыкъ, еринъден тур! – деди.

Фаалиет 20:36

Бу сёзлерни айткъан сонъ, Павел эписинен берабер тиз чёкип, дува окъуды.

Фаалиет 21:5

Бу куньлер кечкен сонъ, биз кене ёлгъа чыкътыкъ. Иманлылар апайлары ве бала-чагъаларынен берабер шеэрден чыкъып бизнен бардылар. Ялыда тиз чёкип, дува окъудыкъ.

Фаалиет 28:8

Публийнинъ бабасы къанлы исалгъа огърап, юксек сыджагъынен хаста ята эди. Павел онынъ янына кирди, къолларыны онынъ устюне къойгъанда, дува окъуп, оны тедавийледи.

Фаалиет 7:60

Ахырында тиз чёкип, къатты сеснен къычырып: – Рабби, бу гунаны оларнынъ бойнуна юклеме! – деди. Буны айтып, джан берди.