Фаалиет 25:6 - Мукъаддес Китап

⁶ Фест оларнынъ янында секиз-он куньден зияде турмайып, Кайсареягъа къайтты. Эртеси куню къады курсюсине отурып, Павелни алып кельгенлерини буюрды.

Фаалиет 25:6 ပူးပေါင်းရင်းမြစ်များ

Матта 27:19

Пилат къады курсюсине отургъанда, апайындан хабер кельди: «О инсафлы адамгъа ич бир шей япма. Бугунь мен тюшюмде О ичюн пек азап чектим».

Юхан 19:13

Пилат бу сёзлерни эшитип, Исаны тышарыгъа алып чыкъты, озю исе еудийдже «Габбата» деген Таш Тёшеме устюндеки къады курсюсине отурды.

Фаалиет 25:1

Фест, виляетине кельгенинден учь кунь кечкен сонъ, Кайсареядан Ерусалимге барды.

Фаалиет 25:10

Павел онъа: – Мен императорнынъ къады курсюси огюнде турам, мени мында укюм этмек керек. Мен еудийлерге ич бир акъсызлыкъ япмагъанымны озюнъ де яхшы билесинъ.

Фаалиет 25:17

Шунынъ ичюн олар бу ерге кельгенде, мен, вакъыт джоймайып, эртеси куню къады курсюсине отурып, бу адамны алып кельгенлерини буюрдым.

Фаалиет 25:4

Фест исе оларгъа Павел Кайсареяда къапалы къалгъаныны ве озю о ерге якъында къайтып бараджагъыны бильдирди.

Фаалиет 25:5

О: – Аранъыздан урьметли адамлар меннен берабер кетсинлер. Бу адамда бир яманлыкъ олса, оны къабаатласынлар, – деди.

Фаалиет 8:40

Филип исе Ашдод шеэринде пейда олды ве Кайсареягъа кельмегендже, эписи шеэрлерде Къуванчлы Хаберни даркъата эди.

2 Коринтлилерге 5:10

Эпимиз Месихнинъ суд тахты огюнде тураджакъмыз ве беденде яшагъан вакъытта япкъан яхшы я да яман ишлеримизге коре акъкъымызны аладжакъмыз.

Якъуп 2:6

Лякин сизлер фукъареге урьметсизлик косьтересиз. Сизлерни къыйнагъан, судгъа чекип алып баргъан байлар дегильми?