Фаалиет 25:25 - Мукъаддес Китап

²⁵ Мен исе онынъ олюмге ляйыкъ ич бир иш япкъаныны тапмадым. Онынъ озю императорнынъ махкеме этильмесини талап эткени ичюн, оны онъа ёлламагъа къарар бердим.

Фаалиет 25:25 ပူးပေါင်းရင်းမြစ်များ

Йирмея 26:16

Сонъ башлыкълар ве бутюн халкъ руханийлернен пейгъамберлерге: – Бу адам олюм джезасына ляйыкъ дегильдир! О бизлерге РАББИнинъ, Алламызнынъ Адындан айткъан эди, – дедилер.

Лука 23:14

оларгъа: – Сиз бу адамны манъа: «Халкъны баштан чыкъара», – деп кетирдинъиз. Амма мен Ондан козьлеринъиз огюнде эр шейни сорадым ве сиз Онъа юклеген къабаатлардан бирисини биле тапмадым, – деди.

Лука 23:4

Пилат баш руханийлерге ве халкъкъа: – Мен бу адамда ич бир къабаат тапмайым, – деди.

Юхан 18:38

‌– Акъикъат недир? – деп сорады Пилат. Буны айтты да, кене тышарыгъа, еудийлернинъ алдына чыкъты. – Мен Онда ич бир къабаат тапмайым, – деди оларгъа.

Фаалиет 23:29

Нетиджеде, оны озьлерининъ Къанунына коре меселелер боюнджа къабаатлагъанларыны бильдим, лякин онда олюмге я да апске ляйыкъ ич бир къабаатны тапмадым.

Фаалиет 23:9

Топлашувда буюк шамата котерильди. Фериселерден олгъан бир къач Къанун оджасы сёзге чыкъып, ачувнен: – Бизлер бу адамда ич бир яманлыкъ тапмаймыз. Эгер рух я да мелек онъа бир шей айткъан олса, не олгъан? – дедилер.

Фаалиет 25:26

Тек эфендиге онынъ акъкъында не язаджагъымны бильмейим. Шунынъ ичюн оны эпинъизнинъ алдынъызгъа, ве айрыджа, Агриппа падиша, сенинъ алдынъа бу ишни бакъып чыкъкъандан сонъ язмакъ ичюн бир шейлер тапылыр деп, оны чыкъардым.

Фаалиет 26:31

Четке чыкъып, олар бири-биринен фикирлештилер ве: – Бу адам олюмге я да апске ляйыкъ ич бир иш япмагъан, – дедилер.

Фаалиет 27:1

Италиягъа геминен кетмеге къарар чыкъарылгъанда, Павелни ве башкъа бир къач мабюслерни императорнынъ арбий болюгининъ бир юзбашы Юлийге бердилер.

Фаалиет 28:18

Олар мени соргъу япып, азат этмеге истедилер, чюнки олюмге ляйыкъ ич бир къабаатымны тапмадылар.