Фаалиет 19:22 - Мукъаддес Китап

²² Павел озюне хызмет этип юргенлерден эки адамны, Тимотей ве Эрастны, Македониягъа ёллады, озю исе вакътынджа Кучюк Асия виляетинде къалды.

Фаалиет 19:22 ပူးပေါင်းရင်းမြစ်များ

Фаалиет 13:5

Саламис шеэрине келип, еудийлернинъ синагогаларында Алланынъ Сёзюни илян эттилер. Юхан да оларнынъ хызметинде эди.

Фаалиет 16:1

Павел Дербе ве Листра шеэрлерине етип кельди. О ерде Тимотей адлы шегирт яшай эди. Онынъ анасы иман тапкъан еудий, бабасы исе юнан эди.

Фаалиет 16:3

Тимотейни озюнен берабер алып кетмеге истеген Павел шу этрафтаки еудийлер ичюн оны сюннет этти. Тимотейнинъ бабасы юнан олгъаныны эписи биле эди.

Фаалиет 18:5

Силанен Тимотей Македониядан кельгенлеринден сонъ, Павел озюни бутюнлей Сёзни илян этювине багъышлап, Исанынъ Месихлигини еудийлерге исбатлап бере эди.

Фаалиет 19:10

Шу, эки йыл девам этти, ве ахырында эм еудий, эм юнанлар, – Кучюк Асия виляетинде яшагъанларнынъ эписи Рабби акъкъында Хаберни эшиттилер.

Фаалиет 19:21

Бу вакъиалар олып кечкен сонъ, Павел озь гонълюнде Македония ве Ахаядан кечмеге ве сонъ Ерусалимге бармагъа къарар этти. «О ерге баргъанымдан сонъ, Римни де барып корьмеге керек», – деди.

Фаалиет 19:29

Бутюн шеэр къалабалыкъкъа толды, эписи бирлешип, Павелнинъ ёлдашларыны, македониялы Гай ве Аристархны, туттылар, театр тарафкъа алып кеттилер.

Фаалиет 20:1

Къалабалыкъ ятышкъан сонъ, Павел шегиртлерни чагъырып, насиат берди ве оларнен сагълыкълашып, Македониягъа кетти.

Фаалиет 20:34

Озюме ве янымда олгъанларгъа керек шейлерни бермек ичюн бу къолларым хызмет эткенини озьлеринъиз яхшы билесинъиз.

Римлилерге 16:23

Манъа ве бутюн иманлылар джемиетине мусафирченлик косьтерген Гай да сизлерге селям эте. Шеэрнинъ хазинеджиси Эраст ве дин къардашымыз Кварт сизлерге селям этелер.

2 Коринтлилерге 1:16

Сизден сонъ Македониягъа кечмеге ве Македониядан кене сизге къайтмагъа истей эдим. О вакъыт сизлер бизни Еудиеге ёллар эдинъиз.

2 Коринтлилерге 11:9

Аранъызда олып, мухтадж олгъанымда да, ич кимсеге юк олмадым. Манъа керекли эр шейни Македониядан кельген дин къардашлар бердилер. Ич бир шейде сизлерге юк олмамагъа тырыша эдим ве даа тырышырым.

2 Коринтлилерге 2:13

лякин о ерде дин къардашым Титни тапмайып, рухум раат олмады. Шунынъ ичюн о ердекилернен сагълыкълашып, Македониягъа кеттим.

2 Коринтлилерге 8:1

Шимди, дин къардашларымыз, сизлерге Македониядаки иманлыларнынъ джемиетлерине Алла берген эйилик акъкъында бильдирмеге истеймиз.

2 Коринтлилерге 8:19

Бундан гъайры, иманлылар джемиетлери озьлери оны сайладылар. О, бу хайырлы иште бизге ярдым эте. Раббини шуретлемек ичюн, биз бирликте бу ишни озь истегимизнен япамыз

1 Тессалоникелилерге 1:8

Сизинъ ярдымынъызнен Раббининъ Сёзю ялынъыз Македония ве Ахаяда дегиль, сизинъ Аллагъа олгъан иманынъызнынъ шурети эр ерде даркъалды. Шунынъ ичюн энди бизге бир шей айтмагъа керекмей.

2 Тимотейге 4:20

Эраст Коринт шеэринде къалды. Трофимни хаста алында мен Милет шеэринде къалдырдым.