Фаалиет 18:18 - Мукъаддес Китап

¹⁸ Павел даа баягъы вакъыт шеэрде къалгъанындан сонъ, дин къардашларынен сагълыкълашып, Акила ве Прискилланен берабер Суриеге кеткен гемиге минди. Адакъ бергенине коре, Кенхрея шеэринде сачларыны къыркътыргъан эди.

Фаалиет 18:18 ပူးပေါင်းရင်းမြစ်များ

Сайылар 6:18

Сонъ назарей назарейликте осьтюрген сачларыны Корюшюв Чадырынынъ кириши янында къыркътырсын, назарейликте осьтюрген сачларыны алып, аманлыкъ къурбаны тюбюндеки атешке ташласын.

Сайылар 6:2

– Исраиль огъулларына бойле айт: Эгер бир акъай я да апай назарей олмагъа гузель адакъ берсе ве озюни РАББИге багъышласа,

Матта 4:24

Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди.

Марк 6:46

Халкънен сагълыкълашкъан сонъ, Иса дува окъумагъа дагъгъа чыкъты.

Фаалиет 1:15

Шу куньлерде Пётр юз йигирмиге якъын дин къардашларынынъ топлашувы алдында турды да, сёзге чыкъып:

Фаалиет 15:23

Оларнен шу мектюпни язып ёлладылар: «Эльчилер, акъсакъаллар ве дин къардашлары – Антиохия, Сурие ве Киликияда яшагъан миллетлерден дин къардашларына: Селям алейкум!

Фаалиет 15:41

Павел Суриеден ве Киликиядан кечип, иманлылар джемиетлерини иманда къавийлештире башлады.

Фаалиет 18:2

Бу шеэрде Понтта догъгъан Акила адлы бир еудийни ве онынъ апайы Прискилланы тапты. Император Клавдий бутюн еудийлерге Римден чыкъып кетмеге эмир эткени ичюн, олар якъында олгъан Италиядан кельген эдилер. Павел оларнынъ алдына барды.

Фаалиет 18:26

О, еудий синагогасында джесаретнен огретип башлады. Аполлосны динълеген Акиланен Прискилла оны озьлерине чагъырып, Алланынъ Ёлуны бутюнлей анълатып бердилер.

Фаалиет 18:27

Аполлос Ахаягъа бармагъа ниет эткенде, дин къардашлары онынъ тарафыны туттылар ве о ердеки шегиртлерге мектюп язып, оны яхшы къабул этеджеклерини истедилер. Аполлос Ахаягъа барып, Алланынъ мераметинен имангъа кельгенлерге чокъ ярдым этти.

Фаалиет 21:23

Шунынъ ичюн, санъа айтаджагъымызны яп. Бизде адакъ берген дёрт адам бар.

Фаалиет 21:24

Оларны янынъа алып, оларнен берабер элялланув адетини яп ве сачларыны алдырмакъ ичюн масрафларны озь бойнунъа ал. О вакъыт сенинъ акъкъынъда эшиткенлери ялан олгъаныны, аксине, Мусанынъ Къанунына коре яшагъанынъны биледжеклер.

Фаалиет 21:3

Къыбрыс корюнгенде, аданынъ сол тарафындан кечип, Суриеге таба ёлны девам эттик ве Тир шеэрине етип кельдик. Мында геми юклерини бошатмакъ керек эди.

Римлилерге 16:1

Сизни Фебанен таныштырам. О, иманда бизим къызкъардашымыз, Кенхрея шеэриндеки иманлылар джемиетининъ хызметчисидир.

1 Коринтлилерге 9:20

Еудийлерни Аллагъа алып кельмек ичюн, мен еудийлерге еудий киби олдым. Озюм Къанунгъа коре яшамасам да, Къанунгъа коре яшагъанлар ичюн мен Къанунгъа бойсунгъан киби олдым.

Галатиядакилерге 1:21

Ондан сонъ Сурие ве Киликия виляетлерине бардым.