Фаалиет 18:15 - Мукъаддес Китап

¹⁵ Амма меселе сёзлер, адлар ве Къанунынъыз акъкъында олгъаны ичюн, оны озьлеринъиз чезинъиз. Мен бу ишлернинъ къадысы олмагъа истемейим,

Фаалиет 18:15 ပူးပေါင်းရင်းမြစ်များ

Матта 27:24

Пилат ич бир шей ярдым этмегенини, аксине исьян котериледжегини корип: – Мен бу адамнынъ къаны тёкюледжегинде къабаатлы дегилим. Бу ишни озьлеринъиз бакъынъыз! – деди де, халкънынъ козю огюнде сув кетиртип, эллерини ювды.

Матта 27:4

– Мен гуна яптым, къабаатсыз адамны саттым, – деди. Олар исе: – Бундан бизлерге не? О сенинъ ишинъ! – дедилер.

Юхан 18:31

– Оны озюнъиз алынъыз да, озь Къанунынъыз боюнджа суд этинъиз, – деди Пилат. – Бизим ич кимсени олюм джезасына бермеге акъкъымыз ёкъ, – деди онъа еудийлер.

Фаалиет 18:13

– Бу адам Аллагъа ибадет этмекни Къанунгъа коре дегиль, башкъаджа огрете, – дедилер.

Фаалиет 23:29

Нетиджеде, оны озьлерининъ Къанунына коре меселелер боюнджа къабаатлагъанларыны бильдим, лякин онда олюмге я да апске ляйыкъ ич бир къабаатны тапмадым.

Фаалиет 25:11

Эгер мен олюмге ляйыкъ бир джинаетте къабаатлы олсам, олюмден баш тартмам. Эгер де бу адамлар мени къабаатлагъан шейлерни япмагъан олсам, мени оларнынъ къолуна бермеге ич кимсенинъ акъкъы ёкъ. Мен императорнынъ укюмини талап этем, – деди.

Фаалиет 25:19

Тек озь дининен багълы меселелер ве насылдыр ольген Иса адлы бир адам акъкъында давалары бар эди. Павел Оны тири, деп тасдыкълай эди.

Фаалиет 26:3

Хусусан сен еудийлернинъ эписи адетлерини ве давалы меселелерини яхшы бильгенинъни козьде тутам. Шунынъ ичюн мени сабыр-такъатнен динълемеге риджа этем.

1 Тимотейге 1:4

олар эфсанелернен ве сонъу олмагъан несиллернинъ джедвеллеринен огърашмасынлар. Бойле шейлер бош тюшюнджелерге себеп олалар, Алланынъ иман ишине ярдым этмейлер.

1 Тимотейге 6:4

къопайдыр ве ич бир шей анъламай. Ойле адам даваларны ве сёз къавгъаларыны севе, бундан исе пахыллыкъ, къавгъа, яманлав ве ялан шубелер келелер.

2 Тимотейге 2:23

Ахмакъ ве джаиль давалардан узакълаш. Олар тек къавгъагъа себеп олгъаныны билесинъ.

Титке 3:9

Лякин акъылсыз давалар, несиль джедвеллери, Къанун акъкъындаки тартышма ве къавгъалардан узакълаш; олар файдасыз ве боштыр.