Фаалиет 14:5 - Мукъаддес Китап

⁵ Башкъа миллетлер адамлары ве еудийлер озь башлыкъларынен анълаштылар ве эльчилерни акъаретлемеге ве ташларнен урмагъа истедилер.

Фаалиет 14:5 ပူးပေါင်းရင်းမြစ်များ

Зебур 83:5

Не де бахтлыдыр Сенинъ эвинъде яшагъанлар! Олар токътамайып Сени макътайджакълар! Сэла

Матта 5:44

Мен исе сизге айтам: душманларынъызны севинъиз эм сизни къувалагъанлар огъруна дувалар окъунъыз.

Лука 6:28

Сизни къаргъагъанларгъа эйилик тиленъиз, сизни ынджыткъанларгъа дувалар окъунъыз.

Фаалиет 13:45

Лякин о къадар халкъны корьген еудийлер пахыллап, Павелни акъаретлеп, онынъ айткъан сёзлерине къаршы лаф эте башладылар.

Фаалиет 13:50

Лякин еудийлер диндар ве итибарлы къадынларнен шеэрнинъ сайгъылы адамларыны Павел ве Барнабагъа къаршы къойып, оларны озь ерлеринден къувып чыкъардылар.

Фаалиет 14:19

Сонъ Антиохия ве Иконий шеэрлеринден кельген еудийлер халкъны озь тарафына тартып, Павелни ташларнен урдылар. Оны ольген, деп сайып, шеэрден тышарыгъа чыкъарып ташладылар.

Фаалиет 14:2

Лякин инанмагъан еудийлер башкъа миллетлер адамларынынъ юреклерини зеэрлеп, оларны дин къардашларгъа къаршы котердилер.

Фаалиет 14:4

Бойлеликнен, шеэр сакинлери экиге болюнди: базылары еудийлернинъ ве базылары эльчилернинъ тарафына кечтилер.

Фаалиет 17:5

Лякин инанмагъан еудийлер пахыллап, мейданлардан ярамаз адамларны алдылар, бир талай адам топладылар да, бутюн шеэрни аякъкъа турсаттылар. Олар Ясоннынъ эвине уджюм этип, Павелнен Силаны халкънынъ алдына алып чыкъкъанларыны талап эттилер.

2 Коринтлилерге 11:26

Чокъ кере ёлгъа чыкъа эдим. Озенлерде, айдутлардан, сойдашларымдан да, башкъа миллетлерден де телюкеде къалдым. Шеэрде телюке, сахрада телюке, денъизде телюке, ялан агъа-къардашлар арасында телюкеге огърадым!

1 Тессалоникелилерге 2:14

Бойле этип, сизлер, дин къардашларым, Еудиедеки Иса Месихке инангъан Алланынъ джемиетлерине ошадынъыз. Олар еудийлерден насыл азап чеккен олса, сизлер де озь юртдашларынъыздан шойле азаплар корьдинъиз.

1 Тессалоникелилерге 2:16

бизге башкъа халкъларнен лаф этмеге, шу халкъларгъа къуртулмагъа ёл бермейлер ве, бойледже, озь гуналарынынъ ольчюсини арттыралар. Лякин ахыр-сонъу Алланынъ гъазабы башларына тюшти.

1 Тессалоникелилерге 2:2

Сиз бильгенинъиз киби, ондан эвель Филиплер шеэринде азап чектик ве акъаретлендик, амма Алланынъ Къуванчлы Хаберини сизлерге буюк къаршылыкъ ичинде бильдирмек ичюн, Алламызда джесарет таптыкъ.

2 Тимотейге 3:11

башыма кельген къувувларны ве азапларымны да билесинъ. Антиохия, Иконий ве Листра шеэрлеринде мени къува эдилер, Рабби исе мени эписинден къуртарды.