Фаалиет 1:26 - Мукъаддес Китап

²⁶ Сонъ олар джереп чектилер. Къысмет Маттиянынъ тарафында олды, ве о, он бир эльчиге къошулды.

Фаалиет 1:26 ပူးပေါင်းရင်းမြစ်များ

1 Тарих вакъиалары 24:5

Оларны джереп чекип больдилер. Ибадет еринде ве РАББИнинъ огюндеки хызметте эм Элазар огъуллары, эм Итамар огъуллары джевапкяр эдилер.

Нехемья 10:34

Биз – руханийлер, левийлилер ве халкъ – ким одунлар кетиреджек акъкъында джереп чектик. Къанунда язылгъанына коре Алламыз РАББИнинъ къурбан еринде одунлар янсын деп, эр йыл Алламызнынъ Эвине оларны кетирмеге къоранталаргъа невбет вакътыны тайинледик.

Нехемья 11:1

Халкънынъ башлыкълары Ерусалимде яшай эдилер. Къалгъан халкъ исе джереп чекти, ве джерепке коре халкънынъ онда бир къысмы мукъаддес шеэрге Ерусалимге яшамагъа кетти, башкъа докъуз къысмы исе озь шеэрлеринде къалдылар.

Икметли сёзлер 16:22

Акъыл-ферасет, саиби ичюн – омюр чокърагъы, ахмакънынъ тербиеси исе – ахмакълыкъ.

Икметли сёзлер 16:33

Адам джереп ташыны ата, амма онынъ косьтергени РАББИден келе.

Левийлилер 16:8

Харун эки теке акъкъында джереп чексин. Бир теке РАББИге олсун, экинджиси къувалансын.

Юнус 1:7

Сонъра денъизджилер бири-бирлерине: – Айды, башымызгъа бу къаза-беля ким ичюн кельгенини билейик деп, келинъ, джереп чекейик, – дедилер. Джереп чектилер, ве о, Юнускъа чыкъты.

Марк 6:30

‌Эльчилер Исанынъ янына къайтып, насыл ишлер япкъанларыны, халкъкъа нелер огреткенлерини айтып бердилер.

Фаалиет 1:23

Шунъа коре эки адамны: Юст адыны ташыгъан ве Барсабба адландырылгъан Юсуфны, эм де Маттияны теклиф эттилер.

Фаалиет 13:19

Ханаан топрагъында еди миллетни ёкъ этип, оларнынъ ерлерини Исраиль халкъына берди.

Фаалиет 2:14

О вакъыт Пётр он бир эльчинен берабер турып, кучьлю сеснен халкъкъа мураджаат этти: – Эй, Еудие акъайлары ве Ерусалимде яшагъан эписи адамлар! Сёзлериме къулакъ асып, шуны билинъиз:

Нун огълу Ехошуа 14:2

РАББИ Мусанынъ ярдымынен буюргъаны киби, олар докъуз бучукъ къабилеге джереп чекип больдилер.

Нун огълу Ехошуа 18:10

Ехошуа Шилода РАББИнинъ козю огюнде джереп чекти ве анда Исраиль огъулларына топракънынъ пайларыны берди.

Сырларнынъ ачылувы 21:14

Шеэр диварларынынъ он эки темели олып, оларда Къозунынъ он эки эльчисининъ адлары язылгъан эди.