Фаалиет 1:14 - Мукъаддес Китап

¹⁴ Оларнынъ эписи апайларынен, Исанынъ анасы Мерьемнен эм де Исанынъ къардашларынен берабер токътамайып бир юрекнен дува окъуй эдилер.

Фаалиет 1:14 ပူးပေါင်းရင်းမြစ်များ

Матта 12:46

‌Иса адамларнен субетлешип тургъан вакъытта, Онынъ анасынен къардашлары эвнинъ огюнде, тышта турмакъта эдилер: олар Исанен лаф этмеге истегенлер.

Матта 21:22

Сизлер дува окъугъанда, ишанчнен не сорасанъыз, оны аладжакъсыз, – деди.

Матта 27:55

Анда чокъ къадынлар да узакътан бакъып турмакъта эдилер. Олар Галилеядан башлап Исанынъ пешинден кетип, Онъа хызмет эткен эдилер.

Марк 15:40

О ерде узакътан бакъып тургъан къадынлар бар эди. Олар арасында магдалалы Мерьем, кучюк Якъупнен Йосенинъ анасы Мерьем ве Саломе бар эдилер.

Марк 16:1

‌Раатлыкъ куню кечкен сонъ, магдалалы Мерьем, Якъупнынъ анасы Мерьем ве Саломе барып, Исанынъ тенине сюртмек ичюн къокъулы ягълар сатын алдылар.

Лука 11:13

Эгер сиз, яман адамлар, балаларынъызгъа яхшы бир шей бере бильсенъиз, Коклердеки Бабанъыз да Ондан сорагъангъа Мукъаддес Рухны багъышлар.

Лука 18:1

Бир кунь Иса шегиртлерине, эр вакъыт дува окъуп умют джоймамакъ кереклиги акъкъында бойле кинаели икяени айтып берди:

Лука 23:49

Исаны бильгенлер ве Галилеядан Онынъ пешинден кельген къадынлар узакъта турып, бакъмакъта эдилер.

Лука 23:55

Исанен бирликте Галилеядан кельген къадынлар Юсуфнынъ артындан кетип, къабирни ве Исаны дефн этильгенини корьдилер.

Лука 24:10

Шуны эльчилерге айткъанлар бу къадынлар эди: магдалалы Мерьем, Ёанна, Якъупнынъ анасы Мерьем ве оларнен бирликте олгъан башкъа къадынлар.

Лука 24:33

Олар шу ань ерлеринден турып, Ерусалимге къайттылар. Он бири ве аркъадашларынынъ топлангъан ерине келип киргенлерде,

Лука 24:53

Бутюн вакъыт Алланынъ Сарайында олып, Алланы шерефлей эдилер.

Лука 8:20

Исагъа: – Ананъ ве къардашларынъ тышарыда туралар, Сени корьмеге истейлер, – деп хабер эттилер.

Фаалиет 2:1

Берекет Байрамы кельгенде, шегиртлернинъ эписи бир ерде топлашып тура эдилер.

Фаалиет 2:42

Олар эльчилернинъ талиматыны огренип, эр вакъыт бирликте яшай ве хызмет эте, отьмек боле ве дува окъуй эдилер.

Фаалиет 2:46

Олар эр кунь бир юрекнен Алланынъ Сарайында топлаша, эвлеринде отьмек болип, къуванчнен ве адийликнен ашай

Фаалиет 6:4

Бизлер исе дуваларнен ве Алланынъ Сёзюни огретюв хызметинен мешгъуль олайыкъ, – дедилер.

Римлилерге 12:12

умютнен къуванынъыз, кедерде сабырлы олунъыз, токътамайып дува окъунъыз,

1 Коринтлилерге 14:13

Шунынъ ичюн, белли олмагъан тильде лаф эткен адам оны анълатмакъ къабилиетини алмакъ ичюн дува окъусын.

Эфеслилерге 6:18

Эр тюрлю дува ве ялварувларнен, эр вакъыт Рухнен дува окъунъыз. Буны акъылынъызда тутып, бутюн азизлер ичюн эр вакъыт гъайретнен ялварынъыз.

Колоссайлыларгъа 4:2

Эр вакъыт токътамайып дува окъунъыз, шукюр этип, дувада дикъкъатлы олунъыз.