Еудийлерге 9:21 - Мукъаддес Китап

²¹ Ана шай этип, къанны Чадырнынъ ве ибадетте къулланылгъан бутюн савутларнынъ устюне септи.

Еудийлерге 9:21 ပူးပေါင်းရင်းမြစ်များ

Чыкъыш 24:6

Муса къаннынъ ярысыны савутларгъа джыйды, къалгъаныны къурбан ерине пускюртти.

Чыкъыш 29:12

Пармагъынъны тананынъ къанына батырып, къурбан ерининъ бойнузына сюрт. Къалгъан къанны къурбан ерининъ тюбюне тёк.

Чыкъыш 29:20

Къочкъарны сойып, къанындан ал да, Харуннынъ ве огъулларынынъ онъ къулагъынынъ мемелерине, онъ къолларынынъ баш пармакъларына ве онъ аякъларынынъ баш пармакъларына сюрт. Къалгъан къанны къурбан ерининъ чевре-четине пускюрт.

Чыкъыш 29:36

Эр кунь бир тана сойып, гуналар ичюн багъышлав къурбаныны чал. Къурбан ерини темизлемек ичюн, гуналар ичюн къурбанны чал. Сонъ оны ягълап айырып азиз эт.

Чыкъыш 40:9

Якъыладжакъ ягъны алып, онен Мескенни ве ичинде олгъан эр бир шейини ягълап, оны ве онынъ эписи алетлерини айырып азиз эт. Сонъ о азизлик олур.

Левийлилер 8:15

Муса бузавны сойды, къаныны алып, къурбан ерининъ бойнузларына эр тарафлама пармагъынен сюртти ве къурбан ерини эляллады, къалгъан къаныны къурбан ерининъ тюбюне тёкти ве онынъ ичюн одеме этип, азиз этти.

Левийлилер 8:19

Муса оны сойды, къаныны къурбан ерининъ чевре-четине септи.

Левийлилер 9:18

Халкънынъ адына аманлыкъ къурбаны оларакъ бугъаны ве къочкъарны чалды. Харуннынъ огъуллары онъа бираз къан кетирдилер, ве Харун къурбан ерининъ чевре-четине къан септирди.