Еудийлерге 9:1 - Мукъаддес Китап

¹ Биринджи васиетке коре, ибадет къаиделери ве ер юзюндеки Азиз Ер бар эди.

Еудийлерге 9:1 ပူးပေါင်းရင်းမြစ်များ

Чыкъыш 25:8

Исраиллилер Манъа Азиз Ерни къурсунлар, ве Мен оларнынъ араларында яшарым.

Ехезкель 43:11

Эгер бутюн япкъан ишлеринден утансалар, оларгъа Сарайнынъ корюнишини ве ерлешювини, киришлерини ве чыкъышларыны, бутюн къыяфетини косьтер. Планыны, къарар ве низамнамелерини оларгъа бильдир. Буларнынъ эписини оларнынъ огюнде язып бер, олар плангъа коре япсынлар, къарарларыны беджерсинлер.

Левийлилер 18:30

Буюргъанларымны беджеринъиз ве сизден эвель олгъан адамларнынъ пис низамнамелерини тутманъыз, оларнынъ себебинден арам олманъыз. Мен – РАББИм, сизинъ Алланъыз.

Левийлилер 22:9

Руханийлер къарарларымны беджерсинлер. Эгер олар сёзлеримни бозсалар, озь башларына гуна къазанаджакълар ве оледжеклер. Мен – РАББИм. Мен оларны азиз эттим.

Сайылар 9:12

Песах айванындан бир шей сабагъадже къалдырманъыз, кемиклерини къырманъыз. Песах бутюн низамнамелер боюнджа япылсын.

Лука 1:6

Олар экиси Алланынъ огюнде инсафлы адамлар олып, Раббининъ эписи эмир ве къанунларыны къатиен тута эдилер.

Римлилерге 9:4

Алла оларны огъуллыкъкъа алды, оларгъа Озь Шуретини косьтерди, васиетлерини ве Къанунны берди, ибадет этмеге огретти ве ваделерини берди.

Колоссайлыларгъа 2:8

Мукъайт олунъыз, ич кимсе сизлерни яланджы ве бош фельсефенен авес эттирмесин. Бойле сёзлер Месихтен дегиль, адамларнынъ урф-адетлеринден ве дюньянынъ рухий кучьлеринден келелер.

Еудийлерге 8:13

Алла «янъы бир васиет» дегенде, биринджи васиетнинъ эскиргенини илян этти. Эскирип къартайгъан шей исе якъында ёкъ ола.

Еудийлерге 8:2

Азиз Ерде, акъикъий Мукъаддес Чадырда хызмет эте. Бу Чадырны адамлар дегиль, Рабби Озю къургъан.

Еудийлерге 8:7

Эгер биринджи васиет къусурсыз олса эди, экинджиси керек олмаз эди.

Еудийлерге 9:24

Адам къолунен япылгъан Азиз Ер акъикъий Азиз Ернинъ копиясы эди. Лякин Месих ердеки Азизликке кирмеди, О, коклерге кирди ве шимди бизлер ичюн Алланынъ огюне котерильди.