Еудийлерге 7:14 - Мукъаддес Китап

¹⁴ Белли ки, бизим Раббимиз Иса Ехуда къабилесинден келип чыкъты. Муса исе бу къабиле акъкъында айткъанда, руханийлик хызмети акъкъында ич бир шей айтмагъан эди.

Еудийлерге 7:14 ပူးပေါင်းရင်းမြစ်များ

Башланув 46:12

Ехуданынъ огъуллары: Эр, Онан, Шела, Перец ве Зерах, амма Эр ве Онан Ханаан топрагъында ольдилер. Перецнинъ огъуллары: Хецрон ве Хамул.

Башланув 49:10

Ехуданынъ къолундан акимиет таягъы тюшмез, аякъларынынъ янындан акимдарнынъ таягъы кетмез. Сонъ Шило келеджек, ве халкълар онъа боюн эгеджеклер.

Ешая 11:1

Кутюктен филис чыкъкъаны киби, тамырындан бир пытакъ аткъаны киби, Йишайнынъ союнда бир эвлят догъаджакъ.

Микъа 5:2

Сен де, Вифлеем-Эфрата, Ехуданынъ баш шеэрлери арасында кичик олсанъ да, сенден Мен ичюн Исраильнинъ Башлыгъы чыкъаджакъ. Онынъ тамырлары заманларнынъ башындан, эбедийликтен келип чыкъа.

Сайылар 24:17

Оны корем, амма шимдилик дегиль. Онъа бакъам, амма О, якъында дегиль. Якъуптан бир йылдыз чыкъаджакъ, Исраильден бир таякъ юкселеджек. О, моавлыларнынъ кенарларыны бозаджакъ, Шетнинъ огъулларыны бутюнлей ёкъ этеджек.

Матта 2:6

«Сен де, Вифлеем, Ехуда топрагъы, Ехуданынъ баш шеэрлеринден эксик дегильсинъ. Сенинъ ичинъден Башлыкъ чыкъаджакъ. О, Меним Исраиль халкъыма чобанлыкъ япаджакъ».

Лука 1:43

Мен ким экеним де, манъа Эфендимнинъ анасы кельди?

Лука 3:33

Нахшон – Амминадавнынъ огълу, Амминадав – Админнинъ огълу, Админ – Арнийнинъ огълу, Арний – Хецроннынъ огълу, Хецрон – Перецнинъ огълу, Перец – Ехуданынъ огълу,

Юхан 20:13

Олар Мерьемге: – Эй, къадын, сен не ичюн агълайсынъ? – дедилер. – Раббимни алып кеткенлер, Оны къаерге къойгъанларыны бильмейим, – деди о.

Юхан 20:28

Тома Исагъа: – Меним Раббим ве меним Аллам! – деп джевап берди.

Римлилерге 1:3

Бу хабер – Онынъ Огълу, Раббимиз Иса Месих акъкъында хабердир. Догъгъанына бакъсакъ, О, Давутнынъ эвляды эди, амма олюлерден тирилип, азизлик Рухунынъ ярдымынен Алланынъ къудретли Огълу оларакъ ачылды.

Римлилерге 2:3

Бойле ишлерни суд этип, оларны озюнъ япсанъ, Алланынъ укюминден къуртулып оладжакъсынъмы, эй, адам?

Эфеслилерге 1:3

Алланы, Раббимиз Иса Месихнинъ Бабасыны, шуретленъиз! О, бизге Месихте эр бир коклердеки рухий бахшышны берди.

Филиплердекилерге 3:8

Даа да Иса Месихни, Раббимни бильмек – эр шейден буюктир. Бунъа бакъкъанда, мен эр шейни файдасыз, деп саям. Месих ичюн мен эр шейден вазгечтим. Оны алмакъ ичюн ве Къанунны беджермектен кельген озь инсафлыгъыма коре дегиль де, Месихке имандан кельген инсафлыкъкъа коре, яни инсаннынъ иманына коре Алла берген инсафлыкъ саесинде озюмни Месихте тапмакъ ичюн, мен эр бир шейни чёплюк деп саям.

Еудийлерге 7:13

Биз айткъан Иса башкъа бир къабиледен чыкъкъан, ве бу къабиледен ич кимсе къурбан еринде хызмет этмеген эди.

Еудийлерге 7:15

Энди Мелкиседекке ошагъан башкъа бир руханий пейда олса, шу даа ачыкътан-ачыкъ ола.

Сырларнынъ ачылувы 22:16

– Мен, Иса, иманлылар джемиетлериме бу хаберни айтмагъа сизге Озь мелегимни ёлладым. Мен – Давутнынъ тамырым ве несилим, ярыкъ танъ йылдызым.

Сырларнынъ ачылувы 5:5

О вакъыт акъсакъаллардан бири манъа: – Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.