Еудийлерге 4:16 - Мукъаддес Китап

¹⁶ Шунынъ ичюн, мераметли Алланынъ тахтына джесарет иле якъынлашайыкъ ве вакътында ярдым ве мерамет тапайыкъ.

Еудийлерге 4:16 ပူးပေါင်းရင်းမြစ်များ

1 Тарих вакъиалары 28:11

Бундан сонъ, Давут огълу Сулеймангъа Сарай Эйванынынъ, эвлерининъ, анбарларынынъ, юкъары одаларынынъ, ичери одаларынынъ ве Мерамет Ерининъ сызылгъан ресимлерини берди.

Ешая 27:11

Къуруп къалгъан пытакълары къопарылалар, къадынлар келип, оларны якъалар. Бу халкъ бир шейни анъламагъаны ичюн, РАББИ оны аджымайджакъ, Яратыджы мерамет эйлемейджек.

Левийлилер 16:2

РАББИ Мусагъа бойле деди: – Харун агъанъа айт ки, онъа ольмемек ичюн, перденинъ артындаки Энъ Мукъаддес Ерге, Сандыкънынъ устюндеки Мерамет Ерининъ огюне истеген вакътында кирмесин. Мерамет Ерининъ устюнде Мен булут ичинде корюнирим.

Эфеслилерге 2:18

Онынъ ярдымынен биз экимиз бир Рухнен Бабанынъ янына якъынлашып оламыз.

Эфеслилерге 3:12

Онен бирликте олып, Месихке иманымызнен биз джесаретнен ве эминликнен Аллагъа якъынлашмакъ мумкюнмиз.

Еудийлерге 13:6

Шунынъ ичюн биз джесаретнен айтамыз: «Рабби меним ярдымджымдыр, мен къоркъмайым. Инсан манъа не япа билир?»

Еудийлерге 3:6

Месих исе, Огъул олып, Алланынъ Эвинде башлыкъ эте. Онынъ Эви исе – бизмиз. Лякин бизге ишанчымызны ве биз макътангъан умютимизни сонъунадже къатты тутмакъ керек.

Еудийлерге 7:19

Къанун ич бир шейни ерине кетирип оламагъан. Шунынъ ичюн энди яхшыджа бир умют мейдангъа кельди, ве биз бу умютнен Аллагъа якъынлаша билемиз.

Еудийлерге 7:25

Шунынъ ичюн адамлар Исанынъ ярдымынен Аллагъа якъынлашкъанда, Иса оларны къуртара биле, чюнки О, эр вакъыт яшай ве Алланынъ огюнде оларнынъ тарафыны тутып, оларны къорчалай.

Еудийлерге 9:5

Сандыкъ устюнде шуретли Керувлар бар эди. Олар Мерамет Ери къапагъыны къаплай эди. Амма шимди олар акъкъында чокъ айтмагъа керекмей.

1 Пётр 2:10

Бир вакъытларда сизлер халкъ дегиль эдинъиз, энди исе Алланынъ халкъысынъыз. Бир вакъытларда Алла сизге мерамет косьтермей эди, энди исе О, сизге Озь мераметини косьтерди.