Еудийлерге 12:7 - Мукъаддес Китап

⁷ Эгер сиз тербие ве джеза чексенъиз, Алла сизлерге, огъулларына киби бакъа. Къайсы огъул бабасы тарафындан тербиеленмеген?

Еудийлерге 12:7 ပူးပေါင်းရင်းမြစ်များ

2 Падишалар 7:14

Мен онынъ бабасы олурым, ве о – Меним огълум олур. Эгер о гуна япса, Мен оны инсанларнынъ къамчыларынен ве котеклеринен джезаларым.

3 Падишалар 1:6

Бабасы исе: «Сен нечюн бойле шейлер япасынъ»? – деп, ич бир вакъыт огълуна акъыл огретмеди. Адонья пек дюльбер ве Авишаломдан сонъ догъгъан эди.

Икметли сёзлер 13:24

Таякъны аджыгъан адам огълундан нефрет эте, огълуны севген исе оны гъайретнен тербиелей.

Икметли сёзлер 19:18

Умют олгъаны къадар огълунъны тербиеле, амма онынъ олюмини истеме.

Икметли сёзлер 22:15

Огъланнынъ юреги ахмакълыкъкъа толу, амма тербие таягъы оны узакъ къувар.

Икметли сёзлер 29:15

Таякъ ве опьке икмет берер, озь алына къалдырылгъан бала исе анасынынъ масхаралыгъы олур.

Икметли сёзлер 29:17

Огълунъны тербиелесенъ, о, сени раат этер, джанынъны да къувандырыр.

Фаалиет 14:22

Шегиртлернинъ джанларыны къавийлештирип, иманда эр вакъыт олмагъа оларгъа мураджаат эте эди. Олар: «Алланынъ Падишалыгъына кирмек ичюн, биз чокъ азаплар чекмек керекмиз», – дей эдилер.

1 Коринтлилерге 11:32

Бизни дюньянен берабер суд этмесин деп, Рабби бизни шимди суд этип, бизге джезамызны бере.

Къануннынъ текрары 8:5

Юрегинъизде тутунъыз: адам огълуны догъру ёлгъа къойгъаны киби, Алланъ олгъан РАББИ де сизни догъру ёлгъа къоя.

1 Падишалар 2:29

Айса не ичюн Мен Эвим ичюн буюргъан шейлерни: Манъа кетирильген къурбанларны ве Манъа берильген ашлыкъ бахшышларыны аякъ асты этесинъиз? Не ичюн сен огъулларынъны Менден артыкъ коресинъ, Меним халкъым Исраильнинъ кетирген шейлернинъ энъ яхшысыны ашап семиресинъиз?

1 Падишалар 2:34

Пинехас ве Хофний огъулларынънен оладжакъ шей санъа алямет олур: олар экиси бир куньде оледжеклер.

1 Падишалар 3:13

Онъа деген эдим ки, онынъ аилесини омюрбилля джезаларым, чюнки огъулларынынъ Аллагъа къаршы куфюр сёзлер айткъаныны билип-корип, оларны токътатмады.