Еудийлерге 12:24 - Мукъаддес Китап

²⁴ эм де янъы васиетни алып кетирген Исагъа ве Онынъ септирильген къанына кельдинъиз. Шу къан Хабильнинъ къанындан даа яхшы шейлерни илян эте.

Еудийлерге 12:24 ပူးပေါင်းရင်းမြစ်များ

Башланув 4:10

Сонъ РАББИ: – Не яптынъ сен? Къардашынъ къанынынъ сеси Манъа топракътан къыямет къопара.

Чыкъыш 24:8

Муса савутлардаки къанны алып, халкъкъа пускюртти ве: – Бу – бутюн айтылгъан шейлер акъкъында РАББИ сизлерге эткен васиетнинъ къаны, – деди.

Ешая 55:3

Къулакъ асынъыз, яныма келинъиз; динъленъиз де, джанынъыз сагъ оладжакъ. Мен сизге эбедий васиет береджегим, Давуткъа берильген сёзлерни береджегим.

Левийлилер 1:5

Сонъ адам бузавны РАББИнинъ огюнде сойсун. Харуннынъ огъуллары исе, руханийлер, бираз къаныны алып, Корюшюв Чадырынынъ кириши огюнде тургъан къурбан ерининъ чевре-четине сепсинлер.

Матта 23:35

Бойледже, инсафлы адам Хабильнинъ къанындан башлап, Алланынъ Сарайы ве къурбан ери арасында сизлер ольдюрген Берекиянынъ огълу Зекъарьянынъ къанынадже ер юзюнде тёкюльген бутюн гунасыз адамларнынъ къаны сизинъ бойнунъызда!

Матта 26:28

– Бу – Меним къаным, васиет къаны. О, чокъ адамнынъ гуналары багъышланмасы ичюн тёкюледжек.

Марк 14:24

Иса оларгъа: – Бу – чокъ адамлар ичюн тёкюледжек Меним къанымдыр, васиет къаны, – деди.

Лука 11:51

Хабильнинъ къанындан башлап, къурбан еринен Алланынъ Сарайы арасында ольдюрильген Зекъарьянынъ къанына къадар. Эбет, сизге айтам: эр шей ичюн бу несиль джевап береджек!

Лука 22:20

Аштан сонъ оларгъа къадени узатып, шойле деди: – Бу къаде – сиз ичюн тёкюлеяткъан къанымнен кучьке кирген янъы васиеттир.

Галатиядакилерге 3:20

Эгер бир олса, онъа араджы керекмей. Алла исе бирдир.

1 Тимотейге 2:5

Алла – бирдир, ве Алланен адамларнынъ арасында бир ишанчлы адам бар. Бу адам – Иса Месихтир.

Еудийлерге 10:22

Шунынъ ичюн толу иманнен ве чин юрекнен Аллагъа якъынлашайыкъ, юреклеримизни яман видждандан темизлейик, беденимизни темиз сувнен ювайыкъ.

Еудийлерге 11:28

О, иман ярдымынен Песах къурбаныны чалды ве къапуларгъа къаныны сюртти. Шунынъ ичюн биринджи догъгъанларны ольдюрген мелек исраиллилерни тиймеди.

Еудийлерге 11:4

Хабиль Хаинге коре Аллагъа яхшыджа къурбанны иман ярдымынен кетирди. Хабиль иманнен инсафлы олып косьтерильди, чюнки Алла онынъ бахшышларыны къабул этип, онъа разылыкъ бильдирди. Хабиль ольген олса да, иманнен але даа лаф эте.

Еудийлерге 13:20

Эбедий васиетнинъ къанына бакъып, къойларынынъ буюк Чобаны, Раббимиз Исаны олюлерден тирильткен, тынчлыкъ-аманлыкъ берген Алла,

Еудийлерге 7:22

Бойледже, Иса сакълагъан васиет даа яхшыдыр!

Еудийлерге 8:13

Алла «янъы бир васиет» дегенде, биринджи васиетнинъ эскиргенини илян этти. Эскирип къартайгъан шей исе якъында ёкъ ола.

Еудийлерге 8:6

Лякин Иса даа устюн бир руханийлик хызметини къабул этти. Ве Исанынъ ярдымынен даа яхшы васиет кельди, чюнки бу васиет даа яхшы ваделерге эсаслангъандыр.

Еудийлерге 8:8

Амма Алла васиетнинъ къусурыны корип, шойле деген: – Бакъынъыз! Ойле куньлер келеята ки, – дей Рабби. – Исраиль ве Ехуда халкъларына янъы бир васиет береджегим.

Еудийлерге 9:15

Шу себептен Месихнинъ ярдымынен янъы васиет ерине кельди. Месих биринджи васиет заманында япылгъан гуналарына одеме этмек ичюн, ольди. Онынъ олюми себебинден Алла чагъыргъан адамлар О сёз берген эбедий мирасны алмакъ мумкюнлер.

Еудийлерге 9:19

Муса Къануннынъ эр бир эмирини бутюн халкъкъа окъугъан сонъ, бузавларнынъ ве текелернинъ къаныны, сувны, къырмызы юнни, эзов отуны алды да, эм китапнынъ устюне, эм де бутюн халкънынъ устюне септи

Еудийлерге 9:21

Ана шай этип, къанны Чадырнынъ ве ибадетте къулланылгъан бутюн савутларнынъ устюне септи.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!