Еудийлерге 11:9 - Мукъаддес Китап

⁹ Ибраим иман этип, Алла онъа бермеге сёз берген ерде ябанджы олса да, анда ерлешти. Алла огълу Исхакъкъа ве торуны Якъупкъа да шу мемлекетни бермеге сёз берген, лякин оларнынъ эписи анда, гъурбетликте киби, чадырларда яшай эдилер.

Еудийлерге 11:9 ပူးပေါင်းရင်းမြစ်များ

Башланув 12:8

Сонъра Бет-Эльден шаркъта яткъан байырларгъа тараф узакъ ёлгъа чыкъты ве анда озь чадырларыны ойле къойды ки, Бет-Эль ондан гъарпта, Ай шеэри исе шаркъта олдылар. Анда да Ибрам къурбан ерини къурып, РАББИге дува этти.

Башланув 13:18

Ибрам тургъан еринден кочьти ве Хевронда олгъан Мамре деген эмен орманы янына барып ерлешти. Анда РАББИге къурбан ерини къурды.

Башланув 13:3

Негевден о, Бет-Эльгедже, Бет-Эль ве Ай шеэрлери арасында ерлешкен, эвель чадырларны къойгъан ве къурбанлыкъ къургъан еринедже кочип барды. Анда о, РАББИге дува этти.

Башланув 17:8

Санъа ве эвлятларынъа шимди сен кочип юрген бу ерни – бутюн Ханаан топрагъыны эбедиен къулланмагъа береджегим. Мен оларнынъ Алласы оладжагъым».

Башланув 18:6

Ибраим чадыргъа чапып кирди ве Сареге: – Тез-тез учь буюк савут энъ яхшы ун ал да, хамыр басып, пите пишир, – деди.

Башланув 18:9

Олар Ибраимден: – Къадынынъ Саре къайдадыр? – деп сорадылар. – Мында, чадырда, – деп джевап къайтарды Ибраим.

Башланув 21:34

Сонъ Ибраим фелестинлилернинъ топрагъында даа чокъ вакъыт яшады.

Башланув 23:4

– Мен сизинъ аранъызда кельмешек олып, вакътынджа яшагъан адамым. Кечинген апайымны мезаргъа къоймакъ ичюн, аранъызда манъа мульк оларакъ мезарлыкъ ери беринъиз.

Башланув 25:27

Балалар буюдилер. Исав уста авджы, тарла адамы олды. Якъуп исе чадырларда яшагъан юваш адам олды.

Башланув 28:4

Сен вакътынджа яшагъан, Алла Ибраимге берген топракъкъа саип ол, Ибраимге берген багъышлавны Алла санъа ве эвлятларынъа берсин.

Башланув 31:25

Лаван Якъупнынъ артындан етти. Якъуп чадырыны байырларда къойды, Лаван да озь сой-сопларынен берабер чадырларыны Гилад байырларында къойды.

Башланув 35:27

Якъуп Мамреде, Кирьят-Арбада, яни Хевронда яшагъан бабасы Исхакъкъа кельди. Мында бир заманда Ибраим ве Исхакъ вакътынджа яшай эдилер.

Башланув 36:7

Оларнынъ барлыкъ-вариети пек чокъ олды, ве оларгъа берабер яшамакъ ичюн ер тарлыкъ этти. Сюрюлери буюк олгъанлары ичюн, олар долашкъан ер оларны сыгъдырамай эди.

Башланув 47:9

Якъуп фыравунгъа: – Ер юзюндеки яшайышыма 130 йылдыр. Кочебе яшайышымнынъ куньлери аз ве ямандыр, эм де деделеримнинъ ер юзюндеки кочебе яшайыш йылларына еталмайлар, – деди.

Зебур 105:12

О вакъыт инандылар Онынъ сёзлерине, макътав йырыны айттылар Онъа.

Йирмея 35:7

эвлер къурманъыз, урлукъ сачманъыз, юзюм багъларыны асраманъыз. Бу шейлер сизде олмасын, лякин омюрбилля чадырларда яшанъыз. О заман долашып юрген топрагъынъызда узун вакъыт девамында яшайджакъсынъыз».

Еудийлерге 6:17

Шу себептен, Алла да берген сёзюни ант этювнен къавийлештирди ве бойле этип, Озь истегининъ денъишмейджегини ве Озю берген сёзюни мытлакъа беджереджегини адамларгъа ачыкътан косьтерди.