Эстер 9:25 - Мукъаддес Китап

²⁵ Лякин хабер падишагъа кельген сонъ, падиша кягъытны йиберди ве Хаманнынъ ехудалыларгъа къаршы тюшюнип чыкъаргъан яманлыгъыны онынъ башына къайтарды, ве онен огъулларыны да дирекке астылар.

Эстер 9:25 ပူးပေါင်းရင်းမြစ်များ

3 Падишалар 8:32

шу вакъыт коклерден эшит, къулларынъны суд эт. Яман олгъанны къабаатла ве джезасыны бер. Инсафлы олгъанны исе акъла ве инсафлыгъына коре акъкъыны бер.

Эстер 3:6

Хамангъа, Мордекъайнынъ къайсы халкътан олгъаныны бильдирдилер, шунынъ ичюн ялынъыз Мордекъайны ольдюрмеге Хамангъа аз корюнди. О, Мордекъайнынъ бутюн халкъыны, Ахашверошнынъ падишалыгъында яшагъан эписи ехудалыларны ёкъ этмеге истеди.

Эстер 7:10

Бойледже, Хаманны дирекке астылар. Хаман исе оны Мордекъайгъа азырлагъан эди. Сонъ падишанынъ гъазабы ятышты.

Эстер 7:4

Мени де, халкъымны да ёкъ этмек, ольдюрмек ве къырмакъ ичюн парасыны бердилер. Эгер бизлерни къул оларакъ саткъан олсалар, мен индемез эдим, о заман падишаны раатсыз этмек ичюн бу етерлик джиддий себеп олмаз эди.

Эстер 7:5

– Юрегинде бойле шейни япмагъа джурьат эткен ким? Къайда о адам? – деп сорады Ахашверош падиша Эстер къыраличеден.

Зебур 140:8

Лякин козьлерим Санъа тикильген, РАББИ-ТААЛЯ, Санъа умют багъладым, джанымны олюмге йиберме.

Зебур 140:9

Манъа къоюлгъан тузакълардан, беля кетириджилернинъ къапкъанларындан сакъла мени.

Зебур 7:16

Чукъур къазгъан адам да къазгъан чукъурына озю тюшер.

Зебур 7:17

Онынъ белясы озюнинъ башына келеджек, онынъ зулумлыгъы озюнинъ тёпесине тюшеджек.

Икметли сёзлер 26:27

Чукъур къазгъан адам ичине озю тюшер, ташны юварлаткъан инсан тюбюне озю огърар.

Икметли сёзлер 5:22

Ярамайны озь яманлыкълары сарып аладжакъ, озь гуналарынынъ къапкъаны оны тутып багълайджакъ.

Ешая 22:25

Амма сонъ, – дей Ордуларнынъ РАББИси, – къатты ерде пекинген мых, еринден къыбырдап, чыкъаджакъ ве тюшеджек, онъа асылгъан юк де гъайып оладжакъ. РАББИ бойле дей.

Овадья 1:15

Бутюн халкълар ичюн РАББИнинъ куню якъынлашты. Не япкъан олсанъ, санъа да айнысы япыладжакъ. Япкъанларынъ сенинъ башынъа тюшеджек.

Матта 21:44

Бу ташкъа тюшкенлер эписи парчаланып кетеджек. Таш кимнинъ устюне тюшсе, оны эзип ташлайджакъ.

1 Падишалар 25:39

Давут Навалнынъ олюми акъкъында эшитип: – РАББИге шукюрлер олсун! Навал мени масхара эткени ичюн, РАББИ ондан меним акъкъымны алды, мени ярамай иш япмакътан сакълады, Навалнынъ яманлыгъыны исе озюне къайтарды, – деди ве Авигаилге, «Меним апайым ол», – деп, адамлар йиберди.