Эстер 9:22 - Мукъаддес Китап

²² О куньлерде ехудалылар душманларындан къуртулдылар, ве о айда оларнынъ гъамы къуванчкъа, кедерлери де байрам кунюне айландылар. Шунынъ ичюн о куньлер зияфет ве шенълик куньлери олдылар, ве шу куньлери бири-бирлерине бахшышларны ёлламагъа, фукъарелерге де бахшышларны бермеге башладылар.

Эстер 9:22 ပူးပေါင်းရင်းမြစ်များ

Эстер 9:19

Онынъ ичюн диварсыз шеэрлерде яшагъан ехудалылар Адар айынынъ 14-юнджи куню къуванчнен ве зияфетлернен байрам япалар ве бири-бирлерине бахшышлар ёллайлар.

Эстер 9:21

ве эр йыл Адар айынынъ 14-юнджи ве 15-инджи куньлери байрам япмагъа буюрды.

Эстер 9:23

Бойлеликнен, ехудалылар Мордекъайнынъ оларгъа язгъанларыны къабул эттилер ве озьлери де башлагъаныны девам эттилер.

Зебур 103:2

Сен ярыкъны урба киби киесинъ, коклерни перде киби джаясынъ!

Зебур 149:7

Олар миллетлерден интикъам алыр, халкъларгъа джезасыны берер,

Зебур 30:11

Мына, аятым къасеветтен азды, омюр йылларым агълай-агълай кечип кетти. Гуналарымдан такъаттан кесильдим, кемиклерим де къуруды.

Зебур 30:12

Душманларым чокъ олгъаны ичюн, адамлар мени масхара этелер, къомшуларым манъа къыйыш бакъа, танышларыма да къоркъу сачам. Мени сокъакъларда корьгенлер менден къача.

Зебур 37:15

Мен агъзындан джевап чыкъмагъан, эшитмеген адам олып къалдым.

Ешая 14:3

О куню РАББИ сени дертлерден, къаарь-къасеветтен ве агъыр къуллукътан къуртаргъанда,

Зекерья 8:19

Ордуларнынъ РАББИси бойле дей: – Дёртюнджи, бешинджи, единджи ве онунджы айларнынъ аштан-сувдан вазгечкен куньлери Ехуда халкъы ичюн къуванч ве шенъли байрам оладжакъ. Акъикъатны ве аманлыкъны севинъиз.

Матта 5:4

Не де бахтлыдыр агълагъанлар. Олар теселли тападжакълар!

Лука 11:41

Джан-юректен садакъа беринъиз, сонъ эр шей сиз ичюн элял олур! – деди.

Галатиядакилерге 2:10

Олар тек биз фукъарелерни унутмайджагъымызны истедилер, ве мен буны япмагъа тырыштым.

Къануннынъ текрары 15:7

Эгер Алланъ олгъан РАББИ санъа береджек топракъта, сен яшагъан ерлеринънинъ биринде семетдешлеринъден бири фукъаре олса, юрегинъни къаттырма, фукъаре семетдешинъден чевирильме.

Къануннынъ текрары 16:14

Байрамда шенъленинъиз: сен, огълунъ, къызынъ, хызметчи акъайларынъыз ве апайларынъыз, ве сизинъ ерлеринъизде олгъан левийлилер, ят халкълардан олгъанлар, оксюзлер ве тул апайлар.

Къануннынъ текрары 16:15

Еди кунь девамында Алланъ олгъан РАББИ сайлайджакъ ерде РАББИге байрам эт. Алланъ олгъан РАББИ санъа бутюн япкъанларынъда ве эр туткъан ишлеринъде берекет береджек. Сен керчектен де шенъленеджексинъ.

Сырларнынъ ачылувы 11:10

Ер юзюнде яшагъанлар бунъа севинип шенъленеджеклер ве бири-бирине бахшышлар ёллайджакълар, чюнки бу эки пейгъамбер ер юзюнде яшагъанларгъа чокъ азап берген эдилер.

1 Падишалар 25:8

Хызметчилеринъден сора, олар санъа айтарлар. Энди бу хызметчи огъланларгъа мераметинъни косьтер, чюнки олар хайырлы бир куньде кельдилер. Къулларынъа ве Давут огълунъа юрегинъден къопкъаныны бер», – деди.