Эстер 6:13 - Мукъаддес Китап

¹³ Хаман Зереш апайына ве эписи достларына онен олгъанларнынъ эписини айтып берди. Онынъ акъылданелери ве апайы Зереш онъа бойле дедилер: – Эгер Мордекъай ехудалы халкъындан олса, – сен исе онынъ огюнде бойле алчакъланмагъа башладынъ, – сен оны енъмейджексинъ, мытлакъа онынъ огюнде ёкъ олып кетеджексинъ.

Эстер 6:13 ပူးပေါင်းရင်းမြစ်များ

Башланув 24:66

Хызметчи Исхакъкъа бутюн олгъан шейлерни айтып берди.

Башланув 40:19

Учь кунь ичинде фыравун башынъны сенден юксельтип, сени терек устюне асаджакътыр. Сонъ къушлар сенинъ вуджудынъны чокъуйджакълар, – деди.

Башланув 41:8

Сабасына джаны сыкъылгъаны ичюн, фыравун Мысырнынъ эписи тылсымджыларыны ве икметли адамларыны озюне чагъыртты. Фыравун оларгъа озь тюшюни айтып берди. Амма фыравунгъа оны тарифлеп бермеге кимсе тапылмады.

Эюп акъкъында китап 15:24

Ёкъсуллыкъ ве сыкъынты отюни патлатыр, урушкъа азыр бир падиша киби оны енъер.

Эюп акъкъында китап 16:2

– Бунъа ошагъан чокъ шей эшиттим, эпинъиз – фена гонъюль бериджисинъиз!

Зебур 105:15

О, оларгъа истегенлерини берди, амма джанларына ольдюриджи хасталыкъны ёллады.

Икметли сёзлер 28:18

Къусурсыз яшагъан къуртарылыр, къыйыш ёллардан юрген исе бир ёлунда йыкъылыр.

Даниял 2:12

Падиша бунъа гъазапланды ве пек ачувланды. О, Вавилондаки эписи акъыллы адамларны къырмагъа эмир этти.

Хошеа 14:9

«Путлар манъа неге керек?» – дейджек Эфраим. Мен оны эшитеджегим ве оны бакъаджагъым. Мен гурь кипарис тереги киби оладжагъым, сен берекетинъни Менден кореджексинъ.

Зекерья 2:12

Ехуда азиз топракъта РАББИнинъ пайы оладжакъ. О, кене Ерусалимни сайлап аладжакъ.

Сайылар 24:9

Арслан киби, ыргъачы арслан киби, пысып ята, Оны котермеге кимнинъ кучю бар? Санъа яхшылыкъ тилеген яхшылыкъ корер, Сени къаргъагъан исе къаргъышкъа огърасын!

Къануннынъ текрары 32:10

О, оны бош сахрада, кийик увулдагъан чёльде тапкъан. Оны къорчалап, акъыл берген, козь бебеги киби оны сакълагъан.