Эстер 2:15 - Мукъаддес Китап

¹⁵ Эстернинъ падишагъа кирмеге вакъты кельди. (Эстер Авихаилнинъ къызы, Авихаил – Мордекъайнынъ эмджеси эди. Мордекъай Эстерни озь къызы оларакъ озюне алгъан.) Эстер озюне ич бир шейни истемеди, тек падишанынъ везири, апайларнынъ къаравулы Хегай онъа айткъан шейлерни алды. Ве бойледже Эстер эр кеснинъ урьметини къазанды.

Эстер 2:15 ပူးပေါင်းရင်းမြစ်များ

Эстер 2:14

Акъшам къыз падишанынъ эвине кире эди, ве саба о, апайларнынъ башкъа эвине бара эди ве энди оны падишанынъ везири, джариелернинъ къаравулы Шаашгъаз бакъа эди. Бундан сонъ къыз кене падишанынъ огюне кельмей эди. Амма падиша оны бегенген олса, оны падишагъа адынен чагъыра эдилер.

Эстер 2:16

Ахашверош падишалыгъынынъ единджи йылында, онунджы айда, яни Тевет айында Эстерни Ахашверош падишагъа, падишанынъ сарайына алып кетирдилер.

Эстер 2:3

Падиша бутюн падишалыкънынъ виляетлеринде озь векиллерини къойсун, ве олар эндамлары дюльбер эписи къызларны Шушан къалесинде, падишанынъ апайлары эвинде топласынлар. Падишанынъ везири Хегай, апайларнынъ къаравулы, оларны бакъсын. Апайларгъа мис къокъулы майлар берсинлер.

Эстер 8:1

О куню Ахашверош падиша ехудалыларнынъ душманы Хаманнынъ эвини Эстер къыраличеге берди. Эстер падишагъа Мордекъай онъа ким олгъаныны анълатты, ве Мордекъай падишанынъ огюне кельди.

Эстер 9:29

Ехудалылар Пурим акъкъында язылгъан мектюпни тутсунлар деп, Авихаилнинъ къызы Эстер къыраличе ве ехудалы Мордекъай гъайретнен сорап яздылар

Икметли сёзлер 15:33

РАББИ къоркъусы икметке огретир, ве шуретнинъ огюнден алчакъгонъюллик келир.

Энъ яхшы йыр 6:9

амма бир данедир меним гузель гогерджиним, анасынынъ бирден-бир къызы, догъургъан анасынынъ козь бебегидир. Къызлар оны корип, онъа «бахтлы» дедилер, падишанынъ апайлары ве джариелери оны макътадылар.

Энъ яхшы йыр 8:10

– Мен бир дивар дайыным, лякин энди кокюслерим – юксек къуллелер кибидир! Шунынъ ичюн мен онынъ козюнде эвине аманлыкъ кетиреджем.

Фаалиет 7:10

О, Юсуфны бутюн белялардан азат этип, Мысыр падишасы фыравуннынъ козюнде онъа буюк мерамет ве акъыл берди. Фыравун Юсуфны Мысыр ве бутюн сарайы устюнде аким этип къойды.