Ешая 8:4 - Мукъаддес Китап

⁴ – Бала «бабам» ве «анам» айтмагъа огренмезден эвель, Дамаскнынъ байлыгъыны ве Самариенинъ гъаниметини Ашшур падишасынынъ огюне алып кетиреджеклер.

Ешая 8:4 ပူးပေါင်းရင်းမြစ်များ

4 Падишалар 15:29

Исраиль падишасы Пекъах куньлеринде Ашшур падишасы Тиглат-Пилесер келип, Иён, Авел-Бет-Маакъа, Яноах, Кедеш, Хацор, Гилад, Галилея, бутюн Нафталий топракъларыны запт этип, халкъны Ашшур мемлекетине кочюрди.

4 Падишалар 16:9

Ашшур падишасы оны динъледи. Дамаск шеэрине уджюм этти, оны запт этти ве эалисини Кирге кочюрди. Рецинни исе ольдюрди.

4 Падишалар 17:3

Ашшур падишасы Шалманесер Хошеагъа къаршы дженкке чыкъты, ве Хошеа, онынъ къулу олып, берги тёлемеге башлады.

Ешая 17:1

Дамаск акъкъында пейгъамберлик. – Иште, Дамаск шеэрлер сырасындан чыкъаджакъ ве бир оба таш оладжакъ.

Ешая 17:3

Эфраимнинъ къавийлештирильген шеэрлери къалмайджакъ, падиша Дамасктан падишалыкъ этмейджек. Исраильнинъ шуретинен не олгъан олса, ойле де Арам падишалыгъындан къалгъанларнен оладжакъ, – дей Ордуларнынъ РАББИси.

Ешая 28:4

Солаяткъан чечек, Эфраимнинъ дюльберлиги ве шурети, берекетли вадийининъ башындаки чечек – вакътындан эрте пишкен инджир киби олур: корюнир-корюнмез, аман къопарылып ютуладжакъ.

Ешая 8:5

РАББИ манъа даа бойле айтты:

Амос 1:3

РАББИ бойле дей: – Гуна устюне гуна къазангъанлары ичюн, Дамаскта яшагъанларны мытлакъа джезалайджагъым. Чюнки олар Гилад халкъына, ашлыкъны демир алетлернен бастыргъан дайын, шефкъатсыз янаштылар.

Амос 1:5

Дамаскнынъ араба къапу мандалларыны урып-парлайджагъым, Авен вадийинде яшагъанларны ве Бет-Эденден падишаны къырып ташлайджагъым, ве арамлылар Кир шеэрине сюргюн этиледжек, – дей РАББИ.

Юнус 4:11

Я Мен яхшылыкъны яманлыкътан айырып оламагъан 120 бинъден зияде халкъы ве чокътан-чокъ айванлары олгъан буюк Ниневе шеэрине насыл аджынмайым?

Римлилерге 9:11

Эгизлер даа догъмагъан, яхшы я да яман ич бир иш япмагъан эдилер, амма Алланынъ ниети адамнынъ ишлерине коре дегиль, Алланынъ сайлагъанына ве чагъыргъанына коре беджерильсин деп, Сареге бойле айтылды: «Кичкенесине буюги хызмет этеджек».

Къануннынъ текрары 1:39

Сиз, уфакъ балаларымыз ёлда гъайып оладжакъ, деген олсанъыз да, олар сизинъ яманны яхшыдан айырмагъа бильмеген огъулларынъызнен берабер анда кирерлер. О топракъны оларгъа берерим де, олар онынъ саиплери олур.