Ешая 8:19 - Мукъаддес Китап

¹⁹ Сизлерге: «Рухларнен лаф эткенлерге, джинлерни чагъыргъанларгъа, фысылдашкъан ве мыдырдагъанларгъа барынъыз. Эр халкъ озь аллаларынынъ истегини къыдыра, тири адамлар ичюн олюлерден сорайлар», – дерлер.

Ешая 8:19 ပူးပေါင်းရင်းမြစ်များ

Башланув 41:24

Бош башакълар еди яхшы башакъны юттылар. Мен буны тылсымджыларгъа икяе эттим, амма кимсе манъа тарифлеп оламады, – деди.

4 Падишалар 1:3

РАББИнинъ Мелеги тишбели Ильяскъа бойле деди: – Тур, Самарие падишасынынъ эльчилерини къаршыламагъа чыкъ да, оларгъа бойле айт: «Не? Исраильнинъ Алласы ёкъмы ёкъса? Экрон алласы олгъан Баал-Зевувдан сорамагъа кетесинъизми?

4 Падишалар 21:6

О, огълуны атештен кечирди, аляметлерни бакъып келеджекни айтты ве фал бакъты, джинлерни чагъыргъанларны ве ольген адамларнынъ рухларынен лаф эткенлерни озюнинъ янына топлады. РАББИнинъ огюнде о, чокъ ярамай шейлер япты ве РАББИни гъазапландырды.

4 Падишалар 23:24

Ёшия ольгенлернинъ рухларыны ве джинлерни чагъыргъан адамларны, шахсий эв путчыкъларны ве башкъа путларны, эм де Ехуда топрагъында ве Ерусалим шеэринде тапылгъан эр бир пис олгъан шейни ёкъ этти. Бойле этип, о, руханий Хилкия РАББИнинъ Сарайында тапкъан Къанун Китабынынъ сёзлерини ерине кетирди.

1 Тарих вакъиалары 10:13

Бойлеликнен, Шаул ольди, чюнки о, РАББИге озь садыкълыгъыны сакъламады. О, РАББИнинъ сёзлерини динълемеди ве рухларнен лакъырды эткен апайгъа суаль берди,

2 Тарих вакъиалары 33:6

Бен-Хинном вадийинде о, озь огъулларыны атештен кечирди, аляметлерни бакъып келеджекни айтты, фал бакъты, ырымджылыкъ япты, джинлерни чагъыргъанларнен ве ольген адамларнынъ рухларынен лаф эткенлернен акъыл танышты. О, РАББИнинъ огюнде чокъ ярамай шейлер япты ве Оны гъазапландырды.

Зебур 106:28

Беляда РАББИни чагъырдылар, ве О, оларны азапларындан къуртарды.

Ешая 19:3

Мысырлылар рухтан тюшеджек, оларнынъ ниетлерини ёкъ этеджегим. Ярдым ичюн бош путларгъа, олюлернинъ рухларына, рухларнен лаф эткенлерге, джинлерни чагъыргъанларгъа бараджакълар.

Ешая 26:14

Ольгенлер бир даа яшамаз, олюлернинъ рухлары турмаз. Сен оларны джезаладынъ, йыкъып, ёкъ эттинъ, эсерлерини силип ташладынъ.

Ешая 29:4

Ашаланаджакъсынъ, ер тюбюнден лаф этеджексинъ, тоз-топракъ ичинде ятып сесленеджексинъ, сесинъ – олюнинъ сеси киби оладжакъ, тоз-топракъ тюбюнден фысылдайджакъ.

Ешая 30:2

Менден сорамайып, Мысыргъа кетелер, фыравундан ярдым сорайлар, Мысырнынъ къолу астында сакъланмагъа истейлер.

Ешая 45:11

РАББИ, Исраильнинъ Азизи, онынъ Яратыджысы бойле дей: – Огъулларым акъкъында Менден сорайджакъсынъызмы? Къолларымнынъ япкъанлары акъкъында Манъа буюраджакъсынъызмы?

Ешая 47:12

Яшлыгъынъдан гъайретнен огърашкъан тылсымларынънен, ырымларынънынъ чокълугъынен отура бер; бельки, озюнъе ярдым этерсинъ, бельки, биревни къоркъузып да олурсынъ!

Ешая 47:13

Чокъ акъыл танышкъанынъдан ёрулдынъ. Йылдыз фалджыларынъ, йылдыз сайгъанларынъ, янъы ай догъгъанда не оладжагъыны бильдиргенлеринъ шимди турып, башынъа тюшеджегинден сени къуртарсынлар.

Йирмея 10:10

Амма РАББИ-Тааля – акъикъаттыр! О, Тири Алла ве эбедий Падишадыр! Ер юзю гъазабындан титрей, халкълар ачувына даянып оламай.

Йирмея 27:9

Сизлерге: “Вавилон падишасына хызмет этмейджексинъиз”, – деген пейгъамберлеринъизни, ырымджыларынъызны, тюшлерни корьгенлеринъизни, аляметлерни бакъып келеджекни айткъанларынъызны ве этнеджилеринъизни динълеменъиз.

Левийлилер 19:31

Рухларнен лаф эткенлерге барманъыз, джинлерни чагъыргъанларны къыдырманъыз. Ёкъса сиз арам олурсыз. Мен – РАББИм, сизинъ Алланъыз.

Левийлилер 20:6

Ким рухларнен лаф эткенлерге ве джинлерни чагъыргъанларгъа барса ве бойле этип, Манъа къаршы ороспулыкъ япса, Мен шу адамгъа къаршы чыкъаджагъым ве оны халкъ арасындан ёкъ этеджегим.

Микъа 5:12

Сенинъ ырымджылыкъ кучюнъни тартып аладжагъым, булутлардан фал бакъкъанлар къалмайджакъ.

Фаалиет 16:16

Куньлернинъ биринде дува окъулгъан ерге кетеяткъанымызда, бизге ичинде фалджылыкъ руху олгъан бир хызметчи къыз расткельди. О, адамларгъа фал ачып келеджегини косьтере ве эфендилерине чокъ къазанч кетире эди.

Къануннынъ текрары 18:10

Аранъызда къызыны я да огълуны атеште якъып къурбан чалгъан адамлар, фалджылар, аляметлерни бакъып келеджекни айткъанлар, ырымджылар, этнеджилер,

Къануннынъ текрары 18:11

къаргъышлар айткъан, рухларнен лаф эткенлер, джинлерни чагъыргъанлар, ольген адамларнынъ рухларынен лаф эткенлер олмасын.

1 Тессалоникелилерге 1:9

Олар озьлери, сиз бизни насыл къаршылагъанынъызны ве сиз насыл этип путлардан вазгечип, Аллагъа кельгенинъизни айтып берелер. Сиз Тири ве Акъикъий Аллагъа хызмет этмеге

2 Пётр 2:1

Исраиль халкъы арасында яланджы пейгъамберлер бар эди, сизинъ аранъызда да яланджы оджалар оладжакъ. Олар сизинъ аранъызда гизлиден пек зарарлы огретювлерни даркъатаджакълар. Оларны сатын алгъан Эв Саибинден вазгечип, бу адамлар озь башларына тез олюм кетиреджеклер.

1 Падишалар 28:11

О вакъыт къадын: – Кимни чагъырайым? – деп сорады. – Смаилни чагъыр, – деди Шаул.

1 Падишалар 28:16

Смаил: – РАББИ сенден юзюни чевирип, санъа душман олгъан олса, менден не къыдырасынъ? – деди.

1 Падишалар 28:7

Сонъ Шаул озь хызметчилерине: – Манъа рухларнен лаф эткен бир къадын тапынъыз. Мен онъа барып сорайджагъым, – деди. Хызметчилери онъа: – Мында, Эн-Дорда рухларнен лаф эткен бир къадын бар, – дедилер.

1 Падишалар 28:8

Шаул озь урбаларыны чыкъарып, башкъа урба кийип, озюнен берабер эки киши алып, гедже шу къадынгъа кельдилер. Шаул онъа: – Ялварам, рух ярдымынен манъа фал ач. Мен санъа айткъан адамнынъ рухуны бу дюньягъа чагъыр, – деди.