Ешая 7:6 - Мукъаддес Китап

⁶ «Айды, Ехудагъа къаршы чыкъайыкъ, ехудалыларны къоркъузайыкъ, топракъларыны запт этейик. Тавеэлнинъ огълуны да падишалыкъкъа къоярмыз», – дейлер.

Ешая 7:6 ပူးပေါင်းရင်းမြစ်များ

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

4 Падишалар 11:2

Лякин Ехошева, падиша Ехорамнынъ къызы ве Ахазьянынъ къызкъардашы, Ахазьянынъ огълу Ёашны гизлиден алып, оны ольдюрилеяткъан падиша огъулларынынъ арасындан алып кетти. Онынънен берабер сютанасыны да ятакъ одасында сакълады. Бойлеликнен, оны Атальядан сакълады, ве о, олюмден къуртулды.

2 Тарих вакъиалары 13:8

Сизлер пек чокъ олгъанынъыз ве сизде Еровоам япкъан аллалар, алтын бугъалар олгъаны ичюн, шимди сиз Давут огъулларынынъ къолларына берильген РАББИнинъ падишалыгъына къаршы чыкъмагъа тюшюнесинъиз.

2 Тарих вакъиалары 21:7

Лякин РАББИ Давуткъа Озь васиетини багъышлагъаны, онъа ве эвлятларына эбедий къандиль бермеге сёз бергени ичюн, Давутнынъ союны ёкъ этмеге истемеди.

2 Тарих вакъиалары 28:5

Алласы РАББИ Ахазны Арам падишасынынъ къолуна берди. Арамлылар оны енъдилер, бир чокъ адамыны туттылар ве Дамаск шеэрине алып бардылар. Бундан гъайры о, Исраиль падишасынынъ къолуна тюшти ве бутюнлей енъильди.

Зебур 21:11

Догъулгъанымдан берли мен Санъа берильдим, мен анамнынъ къурсагъындан чыкъкъанымдан берли Сен меним Алламсынъ.

Зебур 83:3

РАББИнинъ азбарларыны сагъынып, джаным тарсыкъа, юрегим, беденим Тири Аллагъа къуванчнен къычыра!

Икметли сёзлер 19:21

Адамнынъ юрегинде чокъ ниет бар, лякин РАББИнинъ мурады ерине келир.

Ешая 7:1

Уззиянынъ торуны, Ётамнынъ огълу Ахаз Ехудада падишалыкъ эткенде, Арамнынъ падишасы Рецин Исраильнинъ падишасынен Ремальяхунынъ огълу Пекъахнен берабер Ерусалимге къаршы чыкътылар. Олар шеэрни запт этмеге истедилер, амма запт этип оламадылар.

Ешая 7:5

Арамлылар эфраимлилернен ве Ремальяхунынъ огълунен берабер санъа къаршы яманлыкъ япмагъа истейлер. Олар:

Ешая 7:7

Лякин РАББИ-ТААЛЯ бойле дей: «Ёкъ, бу олмайджакъ шей.

Ешая 8:6

– Бу халкъ яваш акъкъан Шилоах озенининъ сувларына хор бакъкъаны, лякин Рецинге ве Ремальяхунынъ огълуна къувангъаны ичюн,