Ешая 66:5 - Мукъаддес Китап

⁵ РАББИнинъ сёзюнден къалтырагъанлар, Онынъ сёзюни динъленъиз: – Сизни корьмеге истемеген, Адым ичюн сизни къувалагъан къардашларынъыз: «РАББИ Озюни шуретинде косьтерсин де, шенълигинъизге бакъайыкъ!» – дейлер. Амма олар масхара оладжакълар.

Ешая 66:5 ပူးပေါင်းရင်းမြစ်များ

3 Падишалар 21:29

– Ахав Меним огюмде насыл баш эггенини коресинъми? О Меним огюмде башыны эггени ичюн, Мен оны яшайышы девамында белягъа огъратмам. Онынъ огълу заманында союны беляларгъа огъратырым, – деди.

4 Падишалар 22:10

Сонъ Шафан лафыны девам этип: – Хилкия руханий манъа бир китап берди, – деди ве оны гурь сеснен падишагъа окъуды.

2 Тарих вакъиалары 34:27

“Шу ер ве онынъ сакинлери акъкъында сёзлерни эшиткенде, юрегинъ йымшагъан ве сен Аллагъа боюн эггенинъ ичюн, Меним огюмде бойсунгъанынъ ве урбаларынъны йырткъанынъ ичюн, Меним огюмде агълагъанынъ ичюн, Мен сени эшиттим. Бу – РАББИнинъ сёзюдир.

Узеир 9:4

Эсирликтен кельгенлернинъ яман иши себептен айтылгъан Исраиль Алласынынъ сёзлеринден къоркъкъанларнынъ эписи меним янымда топланды. Мен исе акъшам къурбанлары кетириледжек вакътынадже гъам-къасевет ичинде отурдым.

Икметли сёзлер 13:13

Айтылгъан сёзге къулакъ асмагъан адам озюне зарар кетире, эмирлерден къоркъкъан исе бол къысмет алыр.

Энъ яхшы йыр 1:6

Эй, джанымнынъ севгиси, айт манъа, къой-эчкилеринъни къайда отлатасынъ, уйледе къаерде раатланасынъ? Не себептен аркъадашларынънынъ айванлары янында кезинип, сени къыдырайым?

Ешая 26:11

Я РАББИ! Сен къолунъны юкъары котердинъ, амма олар корьмейлер. Сен халкъынъны севгенинъни корип, утанаджакълар, атешинъ душманларынъны ашап битиреджек.

Ешая 5:19

Олар айталар ки: – Ашыкъсын, истеген ишини тездже япсын, бизлер корейик! Исраиль Азизининъ ниети беджерильсин, бизлер билейик!

Ешая 60:15

Сени къувдылар, корьмеге истемедилер, сенден четлендилер, энди исе сеннен гъурурланаджакълар, несильден несильге къуванаджакълар.

Ешая 65:13

Онынъ ичюн РАББИ-Тааля бойле дей: – Мына, къулларым аш ашайджакъ, сизлер исе ач къаладжакъсынъыз. Къулларым ичеджек, сизлер исе сувсузлыкътан чекишеджексинъиз.

Ешая 66:2

Къолларым бутюн буларны япты, бойле этип, эр шей пейда олды, – дей РАББИ. Лякин Мен алчакъгонъюллилерге, рухтан тюшкенлерге, сёзюм огюнде къалтырагъанларгъа бакъаджагъым.

Йирмея 36:16

Барукънынъ бутюн окъугъанларыны эшиткен сонъ, отьлери патлап, бири-бирине бакътылар ве Барукъкъа: – Бизлер бу сёзлерни мытлакъа падишагъа айтып берермиз, – дедилер.

Хошеа 11:10

Олар РАББИнинъ артындан кетеджеклер. Арслан киби, О, ырылдайджакъ. О, сесини береджек, ве огъуллары титреп, гъарптан келеджек.

Матта 10:22

Меним Адым ичюн эписинде сизлерни кореджек козю олмаз. Лякин сонъунадже сабыр эткен адам къуртуладжакъ.

Лука 13:17

Исанынъ бу сёзлери Онъа къаршылыкъ косьтергенлернинъ эписини утандырды. Бутюн халкъ исе Иса япкъан эписи аджайип ишлерге къувана эди.

Юхан 16:2

Сизни синагогадан айыраджакълар. Ойле заман келеята ки, сизни ольдюрген эр бир адам, буны япып, Аллагъа хызмет этем, деп тюшюнеджек.

Юхан 9:34

Еудий башлыкълары бунъа джевап берип: – Сен бутюнлей гуна ичинде догъгъан олсанъ да, энди бизге акъыл огретесинъми? – деп, оны къувып чыкъардылар.

2 Тессалоникелилерге 1:12

О вакъыт Раббимиз Исанынъ Ады сизлерде шуретленеджек, Алламызнынъ ве Рабби Иса Месихнинъ эйилигине коре сизлер де Онда шуретленеджексинъиз!

Титке 2:13

Шунынънен биз умютимизнинъ бахтлы беджерилювини, улу Алланынъ ве Къуртарыджымыз Иса Месихнинъ шуретнен кельгенини беклейик.

Еудийлерге 9:28

Месих де, чокъ адамларнынъ гуналарыны Озь бойнуна алмакъ ичюн, бир кере къурбан олды. Экинджи сефер кельгенде, кене гуналарны ёкъ этмек ичюн дегиль, Оны беклегенлерге къуртулыш кетирмек ичюн келеджек.

1 Юхан 3:13

Агъа-къардашларым, эгер дюньянынъ сизни кореджек козю олмаса, шашманъыз.