Ешая 64:3 - Мукъаддес Китап

³ Бизлер беклемеген вакъытта Сен ашагъы тюше, аджайип ишлеринъни япа эдинъ, ве Сенинъ огюнъде дагълар къалтырай эди.

Ешая 64:3 ပူးပေါင်းရင်းမြစ်များ

2 Падишалар 7:23

Сенинъ халкъынъ Исраильге насыл миллет тенъ келир? Сен Мысырдан сатын алгъан халкъ Исраиль – дюньяда екянедир. Сен бу халкъны Мысырдан сатын алдынъ ве Адынъны шуретлединъ! Халкъынъ огюнде аджайип ве къоркъунчлы шейлер яптынъ! Озюнънинъ халкъынъдан башкъа халкъларны ве оларнынъ аллаларыны къувдынъ!

Зебур 106:22

РАББИге шукюр къурбаныны кетирсинлер, Онынъ ишлерини къуванчнен къычырып бильдирсинлер!

Зебур 66:3

Ер юзюнде яшагъанлар Сенинъ ёлунъны бильсинлер, къуртарувынъ акъкъында бутюн халкъларнынъ хабери олсун!

Зебур 66:5

Миллетлер севинсин, къуванчнен къычырсын! Сен халкъларны догърулыкънен суд этесинъ, ер юзюндеки миллетлерге ёл косьтересинъ. Сэла

Зебур 68:8

Сенинъ ичюн мен акъаретке къатландым, утангъанымдан юзюмни къапаттым.

Зебур 76:12

Мен РАББИнинъ ишлерини хатырлайджагъым, Сенинъ къадимий аджайип ишлеринъни эсиме кетиреджегим.

Чыкъыш 34:10

– Бакъ, – деди РАББИ. – Мен сизге васиет этем. Эписи исраиллилернинъ огюнде бутюн ер юзюнде ве ич бир халкъта олмагъан аджайип шейлерни япарым. Араларында сиз яшагъан халкълар Мен сизге япкъан шейлерде РАББИнинъ аджайип ишини корерлер.

Ешая 5:25

Шунынъ ичюн РАББИнинъ гъазабы халкъына къаршы алевленди, Озь къолуны узатып, О, оларны урды. Дагълар титреди, олюлер, чёплюк киби, сокъакъларны толдурды. Бундан сонъ да РАББИнинъ гъазабы тынмады, къолу эп бир узатылгъандыр.

Ешая 64:1

Сен коклерни яргъайдынъ, ашагъы тюшкейдинъ! Сенинъ огюнъде дагълар,

Хавакъкъукъ 3:3

Алла Темандан келеята, Мукъаддес Алла Паран дагъларындан келе. Сэла Онынъ улулыгъы коклерни къаплай, Онынъ шан-шурети дюньяны толдура. Сэла

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Къануннынъ текрары 10:21

Оны макъта! О – сенинъ Алланъ. Сен козьлеринънен корьген эписи къудретли ве къоркъунчлы ишлерни япкъан – Алладыр!

Къануннынъ текрары 4:34

Алланъыз олгъан РАББИ баргъанда, джезалар берип, бельгилер косьтерип, аджайип шейлер япып, дженк этип, къудрети ве къуветинен козьлеринъиз огюнде Мысырдан башкъа миллетнинъ арасындан Озюне миллет сайлап алды. Башкъа аллалар, РАББИ-Таалянъыз сизге япкъаны киби, буны япмагъа тырыштымы?