Ешая 64:11 - Мукъаддес Китап

¹¹ Деделеримиз Сени шуретлеген, азиз, шанлы Эвимиз бутюнлей янды, бутюн къыйметли шейлеримиз ёкъ олды.

Ешая 64:11 ပူးပေါင်းရင်းမြစ်များ

3 Падишалар 8:14

Сонъ падиша бетини чевирип, Исраильнинъ бутюн джемаатына яхшылыкъ тиледи. Исраильнинъ бутюн джемааты аякъ устюнде турды. Падиша бойле деди:

3 Падишалар 8:56

– Озь Исраиль халкъына дегени киби раатлыкъ берген РАББИге шукюрлер олсун! – деди. – Къулу олгъан Мусанен берип йиберген сёзлеринден ерине кельмеген бир хайыр сёзю къалмады.

4 Падишалар 25:9

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни атеште якъты.

2 Тарих вакъиалары 36:19

Алланынъ Сарайыны якътылар, Ерусалим диварыны йыкътылар, эписи сарайларны атеште якътылар ве эр бир къыйметли савутларны боздылар.

2 Тарих вакъиалары 6:4

Падиша бойле деди: – РАББИге, Исраильнинъ Алласына бинъ шукюрлер олсун! О, бабам Давуткъа Озю айткъанларыны бугунь Озь къолларынен беджерди! О, шойле деген эди:

2 Тарих вакъиалары 7:3

Исраиль огъуллары, атеш ве РАББИнинъ Шурети Эвге энгенини корип, бетинен ерге йыкъылдылар ве РАББИни макътап: «РАББИ хайырлыдыр, Онынъ буюк севгиси эбедийдир!» – дедилер.

2 Тарих вакъиалары 7:6

Руханийлер озь хызмет ерлеринде тура эдилер. Левийлилер, РАББИге йырламакъ ичюн япылгъан чалгъы алетлеринен тура эдилер. Давут падиша бу алетлерни, РАББИни макътамакъ ичюн, япкъан эди ве олардан файдаланып: «РАББИнинъ буюк севгиси эбедийдир!» – деп, РАББИни макътагъан эди. Оларнынъ къаршысында руханийлер боразан чала эдилер, бутюн исраиллилер исе аякъ устюнде тура эдилер.

Ешая 63:18

Азиз халкъынъ мында къыскъа вакъыт шорбаджылыкъ этти, душманларымыз келип, Азиз Еринъни таптады.

Йирмея 52:13

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни о, атеште якъты.

Агълав йырлары 1:7

Ерусалим беля вакътында, азап чеккен куньлеринде эвель куньлериндеки байлыгъыны хатырлады; лякин душманлар халкъны енъдилер, халкъкъа кимсе ярдым этмеди; душманлар шеэрге бакъалар, харап олгъанындан кулелер.

Агълав йырлары 2:1

Рабби гъазабында Сион къызыны къара булутларнен къаплады; Исраильнинъ дюльберлигини коклерден ерге ташлады; ачувлангъан куню аякълары тургъан ерни акъылына биле кетирмеди!

Агълав йырлары 2:7

Рабби къурбан ерини ред этти, Мукъаддес Еринден вазгечти; къавийлештирильген сарайларынынъ диварларыны душманларынынъ къолуна берди; РАББИнинъ Эвинде олар байрам куню дайын шамата эттилер.

Ехезкель 24:21

РАББИ-ТААЛЯ Исраиль халкъына шойле дей: «Бакъ, Мен бойле япаджагъым ки, Меним Азиз Еримни, кучюнъизнинъ къуванчыны, козь бебегинъизни, джанларынъызнынъ севинчини арамлайджакълар. Сизлерде къалгъан огъулларынъыз ве къызларынъыз исе къылычтан оледжеклер».

Ехезкель 24:25

Сен исе, инсан огълу, бекле. Мен оларнынъ къалесини, къуванчыны ве шуретини, козь бебеклерини ве джанларынынъ севинчи олгъан огъулларыны ве къызларыны тартып алгъан куню

Зекерья 1:12

Сонъ РАББИнинъ Мелеги: – Ордуларнынъ РАББИси! Ерусалимге ве Ехуданынъ шеэрлерине къаршы ачувлангъанынъ етмиш йылдыр. Оларгъа не вакъыт шефкъатлы бакъаджакъсынъ? – деди.

Матта 24:2

Иса оларгъа: – Буларнынъ эписини коресизми? Сизге догърусыны айтам: бу ерде таш устюнде таш къалмайджакъ, эписи бозуладжакъ, – деди.

Къануннынъ текрары 29:23

«Кукюрт ве туз… Бутюн топракъ яна… Устюне бир шей сачылмай, топракъ бир шей осьтюрмей… Онда бир шей осьмей, бир от да осьмей. Содом, Гомора, Адма ве Цевоим шеэрлерине ошай. РАББИ оларны гъазабында ве афакъанында йыкъып ёкъ эткендир».