Ешая 61:4 - Мукъаддес Китап

⁴ Чокътан йыкъылгъан шеэрлерни янъыдан къураджакълар, эски заманларда къырылгъан ерлерни тиклейджеклер, къадимий несиллерден бошап къалгъан шеэрлерни янъыдан къураджакълар.

Ешая 61:4 ပူးပေါင်းရင်းမြစ်များ

Узеир 9:9

Бизлер къул эдик, амма Алламыз бизни къуллукъта къалдырмады. О, Фарс падишаларыны бизге мераметли яптырды, олар исе бизге джанланмагъа ве Алламызнынъ Сарайыны котермеге, онынъ йыкътырылгъан диварларыны гъайрыдан тиклемеге, Ехудада ве Ерусалимде дивар къорумагъа ёл бердилер.

Зебур 46:8

Алла – бутюн ер юзюнинъ Падишасыдыр; усталыкънен Онъа макътав йырларыны айтынъыз!

Зебур 74:3

«Мен бельгилеген вакъыт кельгенде, догърулыкънен суд этеджегим. Сэла

Ешая 52:9

Тантана этинъиз, къуванчнен къычырынъыз, эй, йыкъылгъан Ерусалим! РАББИ Озь халкъынынъ гонълюни алды, Ерусалимни сатын алып, къуртарды.

Ешая 58:12

Чокътан йыкъылгъан шеэрлерни янъыдан къураджакъсынъыз, къадимий несиллер къойгъан темеллерни тиклейджексинъиз, сизге: «Йыкъыкъ диварны янъыдан тиклеген, инсанларгъа ёлларны янъыдан ачкъан», – дейджеклер.

Микъа 7:11

Диварларны къурмагъа вакъыт келеджек, сынъырларны кенишлетмеге заман оладжакъ.

Зекерья 1:17

Даа Ордуларнынъ РАББИсининъ бойле сёзлерини илян эт: «Меним шеэрлерим кене боллукъкъа толып ташаджакъ, РАББИ кене Сионгъа теселли береджек, кене Ерусалимни сайлап аладжакъ».