Ешая 60:17 - Мукъаддес Китап

¹⁷ Бакъыр ерине – алтын, демир ерине – кумюш, терек ерине – бакъыр, таш ерине – демир береджегим. Тынчлыкъ-аманлыкъ сени къаравуллайджакъ, догърулыкъ сени бакъаджакъ.

Ешая 60:17 ပူးပေါင်းရင်းမြစ်များ

3 Падишалар 6:30

Сарайнынъ эм огдеки одасынынъ, эм ичтеки оданынъ табаныны темиз алтыннен тёшеди.

Зебур 72:3

Мен инсафсызларнынъ аманлыгъыны корьдим, макътангъанларнынъ алына сукъландым.

Ешая 1:26

Эвельки киби, санъа къадыларны тайинлерим, башында олгъаны дайын, меслеатчыларны къояджагъым. О заман сенинъ акъкъынъда: «Акъикъат шеэри, ишанчлы баш шеэр», – дейджеклер.

Ешая 30:26

Ай, кунеш киби, ярыкъ береджек, кунеш исе еди къат кучьлю, еди куннинъ ярыгъы киби, нур сачаджакъ. О куню РАББИ халкъынынъ яраларыны сараджакъ, агъыр яраланувларыны тедавийлейджек.

Ешая 55:13

Тикенлер ерине кипарис оседжек, къыджыткъан ерине мирт тереги котериледжек. Булар эписи РАББИге нам къазанаджакъ, эбедий, сонъсуз бир алямет оладжакъ.

Ешая 60:16

Халкъларнынъ сютюне тояджакъсынъ, падишанынъ къолундан кечинеджексинъ. Сонъра биледжексинъ ки, Мен – РАББИ, сенинъ Къуртарыджынъ, сени сатын алгъан Якъупнынъ Кучьлюсим.

Ешая 60:18

Топрагъынъда бир даа зорбалыкъ этмейджеклер, йыкъмайджакъ ве къырмайджакълар. Диварларынъа – «Къуртулыш», араба къапуларынъа – «Макътав» дейджексинъ.

Даниял 11:20

Онынъ ерине келеджек падиша падишалыгъынынъ дюльберлигини сыдырмакъ ичюн берги топлайыджыны ёллайджакъ. Бир къач вакъыт ичинде бу падиша ёкъ этиледжек. О, не адамларнынъ козю огюнде, не дженкте гъайып оладжакъ.

Хагъгъай 2:8

– Кумюш Меним, алтын да Менимки, – дей Ордуларнынъ РАББИси.

Зекерья 12:8

О куню РАББИ Ерусалимде яшагъанларны къорчалайджакъ. О куню араларында энъ зайыф олгъан сою Давут киби оладжакъ, Давутнынъ сою исе оглеринде Алла киби, РАББИнинъ Мелеги киби оладжакъ.

Еудийлерге 11:40

чюнки, олар бизнен берабер къусурсыз олсунлар деп, Алла бизге де насылдыр бир яхшы шейни азырлады.

2 Пётр 3:13

Лякин Алла берген сёзюне коре, биз янъы ерни ве янъы коклерни – догърулыкъ булунгъан ерни беклеймиз.