Ешая 57:15 - Мукъаддес Китап

¹⁵ Юдже, Юксельген, эбедий Яшагъан, Ады Азиз олгъан дей ки: – Юксек ве мукъаддес ерде яшайым, лякин тёвбе эткенлернен ве алчакъгонъюллилернен олам. Алчакъгонъюллилернинъ рухларыны джанландыраджагъым, тёвбе эткенлернинъ джанларыны тирильтеджегим.

Ешая 57:15 ပူးပေါင်းရင်းမြစ်များ

Башланув 21:33

Ибраим исе Беэр-Шевада тамариск терегини сачты ве анда РАББИге, Эбедий Аллагъа дува этти.

3 Падишалар 8:27

Амма керчектен де, Алла ерде яшармы? Мына, коклер ве коклернинъ коклери биле Сени сыгъдырамаз! Я мен къургъан Сарай Сени сыгъдырырмы?

2 Тарих вакъиалары 34:27

“Шу ер ве онынъ сакинлери акъкъында сёзлерни эшиткенде, юрегинъ йымшагъан ве сен Аллагъа боюн эггенинъ ичюн, Меним огюмде бойсунгъанынъ ве урбаларынъны йырткъанынъ ичюн, Меним огюмде агълагъанынъ ичюн, Мен сени эшиттим. Бу – РАББИнинъ сёзюдир.

Эюп акъкъында китап 22:29

Бирев йыкъылса, сен: «Оны котер!» – деп айтарсынъ, ве О, алчакъгонъюллилерни къуртарыр.

Эюп акъкъында китап 6:10

Мукъаддес Алланынъ сёзюни ред этмегеним ичюн, бу меним рухумны котерир эди, мераметсиз дердиме мен къуваныр эдим.

Зебур 111:9

Къолуны ачып ёкъсулларгъа бере, онынъ инсафлыгъы эбедийдир, къудрети шуретте юкселир.

Зебур 115:3

Манъа япкъан бутюн яхшылыкълары ичюн, РАББИни насыл такъдирлерим?

Зебур 123:1

Десин Исраиль: – Эгер РАББИ бизнен олмаса эди,

Зебур 138:6

Сени бильмек меним ичюн пек аджайип, юксектир о, акълым етмез онъа.

Зебур 138:7

Сенинъ Рухунъдан къайда кетмек мумкюним? Сенинъ огюнъден къайда къачып олурым?

Зебур 147:3

сынъырларынъ ичинде аманлыкъ бере, энъ яхшы богъдайнен сени тойдура.

Зебур 34:18

Буюк топлашувда Санъа шукюр этеджегим, чокъ адамнынъ арасында Сени макътайджагъым!

Зебур 34:19

Бош ерде манъа душман олгъанлар тантана япмасын, себепсиз нефрет эткенлер бири-бирине козь къыпмасын.

Зебур 90:2

О, РАББИге айта: «О, меним сыгъынагъым ве къалем, О, меним Аллам; умютим Онда!»

Зебур 93:2

Котериль, ернинъ Къадысы, кибирли адамларнынъ джезасыны бер!

Зебур 97:9

О, ерни укюм этмеге келе. О, дюньяны адалетнен, халкъларны догърулыкънен укюм этеджек!

Зебур 99:3

Билинъиз ки, РАББИ – Алладыр, О, бизни яраткъан, бизлер де Онынъки оламыз! Биз Онынъ халкъы ве яйласынынъ къойлары оламыз.

Чыкъыш 15:11

РАББИ! Аллаларнынъ арасында Сен дайын ким бар? Мукъаддесликнен улу олгъан, макътавларгъа даима ляйыкъ олгъан, аджайип шейлер япкъан Сен дайын ким бар?

Чыкъыш 15:13

Озь мераметинънен Озюнъ къуртаргъан бу халкъкъа ёлны косьтересинъ. Озь къудретинънен бу халкъны Сенинъ отургъан еринъе алып кетесинъ.

Чыкъыш 15:18

РАББИ асырлар боюнджа ве эбедиен падишалыкъ этеджектир!

Чыкъыш 40:34

Сонъ Корюшюв Чадырынынъ устюни булут сарды, ве Мескеннинъ ичини РАББИнинъ Шурети толдурды.

Чыкъыш 40:35

Муса Корюшюв Чадырынынъ ичине кирип оламады, чюнки оны булут сарып алды, ве Мескенни РАББИнинъ Шурети толдурды.

Икметли сёзлер 16:19

Ювашларнен берабер алчакъгонъюлли олмакъ кибирлилернен берабер гъаниметни пайлаштырмакътан яхшыдыр.

Икметли сёзлер 8:23

Къадимий заман башында мен пейда олдым, дюнья яратылмаздан эвель мен еримни алдым.

Ешая 18:4

РАББИ манъа бойле деди: «Тынч олып, булунгъан еримден бакъаджагъым, кунешли куннинъ сыджагъы, оракъ вакътындаки чыкъ киби оладжагъым».

Ешая 33:5

Юксеклерде отургъан РАББИ юджедир! О Сионны адалетке ве догърулыкъкъа толдураджакъ.

Ешая 40:28

Бильмейсинъми, аджеба? Эшитмединъми, аджеба? Дюньянынъ четлерини яраткъан РАББИ, Эбедий Алла такъаттан тюшмей ве ёрулмай. Оны анъламагъа мумкюн дегиль.

Ешая 52:13

Мына, къулумнынъ ишлери онъ келеджек, котериледжек, юкселеджек, пек буюк оладжакъ.

Ешая 6:1

Уззия падишанынъ ольген йылында, юдже ве юксельтильген тахтнынъ устюнде отургъан Раббини корьдим. Урбасынынъ этеклери бутюн Сарай бою тёшеле эди.

Ешая 6:3

Олар къычырып, бири-бирине бойле дей эдилер: – Ордуларнынъ РАББИси Мукъаддес, Мукъаддес, Мукъаддестир! Бутюн ер юзюни шурети толдура!

Ешая 63:15

Коклерден бакъ, азиз ве шанлы булунгъан еринъден бизни корь. Гъазабынънен къудретинъ къайда? Шефкъатынънен мераметинъ менден узакълашты.

Йирмея 10:10

Амма РАББИ-Тааля – акъикъаттыр! О, Тири Алла ве эбедий Падишадыр! Ер юзю гъазабындан титрей, халкълар ачувына даянып оламай.

Агълав йырлары 3:41

коклердеки Аллагъа юреклеримизни чевирейик, Онъа къолларымызны котерейик;

Ехезкель 16:63

О заман сен эр шейни хатырлап утанаджакъсынъ. Мен сенинъ эписи япкъанларынъны багъышлагъан сонъ, сен айыбынъдан бир даа агъзынъны ачмайджакъсынъ, – дей РАББИ-ТААЛЯ.

Ехезкель 9:4

онъа шойле деди: – Бутюн Ерусалим шеэрини кечип, оларнынъ арасында япылгъан пис шейлер акъкъында къайгъырып къасевет эткен адамларнынъ манълайына тамгъа къой.

Даниял 2:11

Падиша талап эткен иш ойле къыйын ки, адамларнен яшамагъан аллалардан гъайры бу тюшни падишагъа ич бир кимсе ачып оламай, – дедилер.

Даниял 4:17

Сен корьген терегинъ балабан осип ве къавий олып, юксеклигинен кокке тийген ве бутюн ер юзюнде корюнген эди.

Даниял 4:34

Шимди мен, Невукъаднеццар, эписи ишлери акъикъий ве ёллары адалетли олгъан Коктеки Падишаны макътайым, юксельтем ве шерефлейим. О, кибирленген адамларны алчакъгонъюлли япа биле.

Ёэль 2:13

Урбаларынъызны йыртмагъа керекмей, юреклеринъиз исе сызласынлар. Алланъыз РАББИге къайтынъыз, О, мераметли ве шефкъатлыдыр, чокъ сабырлы ве ишанчлыдыр. О, джезасыны ёлламай.

Микъа 5:2

Сен де, Вифлеем-Эфрата, Ехуданынъ баш шеэрлери арасында кичик олсанъ да, сенден Мен ичюн Исраильнинъ Башлыгъы чыкъаджакъ. Онынъ тамырлары заманларнынъ башындан, эбедийликтен келип чыкъа.

Микъа 6:8

Эй, инсан! Эйилик не олгъаны санъа бильдирильди, РАББИ сенден не истегени де хабер этильди: адалетли арекет этмек, мераметни севмек ве Алланънынъ огюнде юваш юрекнен яшамакъ.

Зекерья 2:13

Эй, эр тири джан, РАББИнинъ огюнде сесинъизни чыкъарманъыз! О, Озь азиз мескенинден чыкъып келе!

Зекерья 9:9

Эй, Сион къызы, чокъ къуван! Къуванчтан къычыр, эй, Ерусалим къызы! Мына, сенинъ падишанъ санъа келе! О, къабаатсыз. О, къуртарув бере. О, алчакъгонъюлли, эшек устюнде, эшек баласы устюнде отура!

Матта 6:9

Дуваны бойле окъунъыз: Бизим Коклердеки Бабамыз, Сенинъ Мукъаддес Адынъны эр кес сайсын!

Лука 1:49

Къудретли Алла мен ичюн улу шей япты. Онынъ Ады Мукъаддес!

Лука 4:18

– Устюмде Раббининъ Руху булуна; О, мени ягънен сюртип, алчакъгонъюллилерге хайырлы хабер бермеге, эсирлерге – азатлыкъ, сокъурларгъа – козьлери ачылгъаны акъкъында айтмагъа, азап чеккенлерни къуртармагъа, Раббининъ разылыкъ йылы кельгенини беян этмеге ёллады, – деп язылгъан ерини тапып окъуды.

Фаалиет 3:14

Адам ольдюрген джинаетчининъ афу этильмесини сорап, Мукъаддес ве Инсафлы Олгъанындан ред эттинъиз.

Римлилерге 1:20

О, корюнмесе де, Онынъ эбедий къудрети ве Онынъ Аллалыгъы дюнья яратылгъанындан берли Онынъ япкъанындан анълашыла ве ачыкътан корюнип тура. Бойлеликнен, олар озьлерини акъламакъ ичюн, ич бир шей айтып оламайлар.

2 Коринтлилерге 1:4

О, бизни чешит тюрлю беляларымызда юреклендире. Сонъ биз де, Алладан ярдым алып, эр тюрлю беляларгъа огърагъан адамларны юреклендире билемиз.

2 Коринтлилерге 2:7

Шунынъ ичюн бу адамны энди къарарсыз къайгъы гъайып этмесин деп, оны багъышланъыз ве онъа юрек беринъиз.

2 Коринтлилерге 7:6

Амма алчакъгонъюллилерни юреклендирген Алла янымызгъа Титни ёллап, бизим гонълюмизни алды.

Къануннынъ текрары 33:27

Эбедий Алла – сени сакълагъан ердир, сени эбедиен къудрети къорчалай. О, душманларынъны огюнъден къувалай ве: «Ёкъ эт!» – айта.

1 Тимотейге 1:17

Асырларнынъ Падишасына, эбедий яшайджакъкъа, козьнен корюльмегенге, бирден-бир Аллагъа эбедиен шан-шурет олсун! Амин.

1 Тимотейге 6:16

Олюмсизликнинъ Саиби тек Одыр; О, якъынлашылмаз ярыкъта булуна, Оны ич бир адам корьмеген эм де корип оламай. Онынъ урьмети ве къудрети эбедийдир! Амин.

Еудийлерге 9:14

эбедий Рухнынъ ярдымынен Озюни къабаатсыз алда Аллагъа багъышлагъан Месихнинъ къаны исе олюмге алып баргъан ишлерден виджданымызны темизлей ве бизге Тири Аллагъа хызмет этмеге имкян ярата.

Якъуп 4:6

Амма О, бизге даа зияде эйиликни бере. Бойлеликнен, Языда айтылгъан ки, Алла къопайларгъа къаршы чыкъаджакъ, алчакъгонъюллилерге исе эйилик япаджакъ.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.

Сырларнынъ ачылувы 15:4

Я Рабби! Сенден ким къоркъмаз, Адынъны ким шуретлемез? Ялынъыз Сен Мукъаддессинъ. Бутюн халкълар янынъа келип, Санъа ибадет этеджеклер, чюнки эр кеске адалетли арекетлеринъ ачылды.

Сырларнынъ ачылувы 3:7

Филадельфиядаки иманлылар джемиетининъ мелегине яз: «Мукъаддес ве Акъикъий, Давутнынъ анахтарына Сабы олгъан шойле дей (О, ачкъаныны ич кимсе къапатып оламай; О, къапаткъаныны ич кимсе ачып оламай):

Сырларнынъ ачылувы 4:8

Бу дёрт айваннынъ эр биринде алтышар къанаты бар эди. Олар эм ичтен, эм тыштан бутюнлей козьлернен къаплангъан эди. Гедже куньдюз олар токътамайып шу сёзлерни текрарлай: – Къудретли Рабби-Тааля Мукъаддес, Мукъаддес, Мукъаддестир! О, башта олгъан, шимди бар ве энди келеята!

1 Падишалар 2:2

РАББИден башкъа мукъаддес ёкъ, Сенден башкъасы ёкъ! Алламыз киби къавий таянч ёкъ!