Ешая 54:17 - Мукъаддес Китап

¹⁷ Санъа къаршы ич бир япылгъан силя енъиш къазанмайджакъ, судда сеннен давалашкъан эр кимни къабаатлайджакъсынъ. РАББИ къулларынынъ къысмети бойледир, оларны Мен акълайджагъым, – дей РАББИ.

Ешая 54:17 ပူးပေါင်းရင်းမြစ်များ

Эюп акъкъында китап 1:11

Амма къолунъны узатып, онынъ эр шейине зарар кетирсенъ, о, Сени ачыкъ яманлайджакъ!

Эюп акъкъында китап 2:5

Амма къолунъны узатып, онынъ беденине ве кемиклерине зарар кетирсенъ, о, Сени ачыкъ яманлайджакъ!

Эюп акъкъында китап 42:7

РАББИ бойле сёзлерни Эюпкъа айткъан сонъ, теманлы Элифазгъа бойле деди: – Санъа ве эки достунъа ачувландым, чюнки къулум Эюп догъру лаф эткен олса да, сиз Меним акъкъымда догъру лаф этмединъиз.

Зебур 32:6

Коклер РАББИнинъ сёзюнен яратылгъан, бутюн кок ордулары Онынъ Рухунен япылгъан.

Зебур 61:5

Оны юкъарыдан тюшюрмеге истедилер, ялан лафларны ортагъа къойдылар. Оларнынъ агъзындан хайыр дувасы тёкюле, лякин юреклеринде олар лянетлер окъуйлар. Сэла

Зебур 71:16

Дюньяда чокъ ашлыкъ олсун, о, дагъларнынъ башында далгъалансын, мейва тереклери Ливан орманы киби олсун. Шеэр халкъы исе ердеки от киби чокълашсын.

Зебур 71:19

Онынъ шуретли Адына эр вакъыт шукюрлер олсун, бутюн ер юзю Онынъ шуретинен толсун! Амин! Амин!

Ешая 17:12

Вай-вай-вай! Чокъ халкъларнынъ шаматасы! Олар денъиз дайын шувулдайлар. Къабилелер окюре! Олар кучьлю сувлар киби окюрелер!

Ешая 26:2

Къапуларынъызны ачынъыз: инсафлы миллет, ишанчлы халкъ кирсин.

Ешая 29:8

Тюшюнде аш ашагъаныны корьген ач адам уянгъанында эп ач ола; тюшюнде сув ичкенини корьген сувсагъан адам уянгъанында эп кучьсюз, сувсузлыкътан чекише. Сион дагъына къаршы дженк эткен сайысыз халкъларнынъ да алы ойле оладжакъ.

Ешая 3:10

Инсафлы адамгъа яхшылыкъ кореджегини айтынъыз. О, озь ишлерининъ акъкъыны аладжакъ.

Ешая 40:2

– Ерусалимнен йымшакъ лаф этинъиз, онъа хабер этинъиз: дженк вакъты битти, къабааты ичюн одеме этильди, бутюн ишлеген гуналары ичюн РАББИнинъ къолундан эки къат корьди.

Ешая 41:11

Санъа къаршы ачувлангъан эр кес утанаджакъ ве масхара оладжакъ. Сеннен дженклешкенлер бош ер киби олып, гъайып оладжакъ.

Ешая 46:13

Догърулыгъымны якъынлаштырдым, энди о узакъ дегиль, къуртарышым кечикмейджек. Сионгъа къуртулышны, Исраильге дюльбер шуретимни береджегим.

Ешая 50:8

Мени акълайджакъ Алла якъындыр, манъа къаршы ким чыкъмагъа азыр? Юзьме-юзь турайыкъ! Мени къабаатламагъа ким азыр? Яныма кельсин!

Ешая 50:9

Мына, манъа РАББИ-ТААЛЯ ярдым эте, мени ким къабаатлайджакъ? Оларнынъ эписи, урба киби, ипранаджакъ, оларны сюме ашап битиреджек.

Ешая 51:5

Тезден эр кесни адалетли джезалайджагъым, къуртармагъа якъынлашам, халкъларны кучьлю къолумнен суд этеджегим. Адалар Манъа ишанаджакъ, кучюме умют багълайджакълар.

Ешая 54:15

Санъа къаршы дженклешмеге ич бирини ёлламайджагъым. Ким исе санъа къаршы чыкъса, енъилип йыкъыладжакъ.

Ешая 54:16

Мына, мен демирджини яраттым. О, атештеки къорларгъа уфюре, дженк ичюн силя япа. Йыкъсын деп, Мен залымны яраттым.

Ешая 58:14

о заман РАББИде шенълик тападжакъсынъыз; ер юзюнинъ тёпелерине котерилип, деденъиз Якъупкъа берильген топракънынъ берекетини ашайджакъсынъыз, – дей РАББИ.

Ешая 60:21

Бутюн халкъынъ инсафлы оладжакъ, топракъкъа эбедиен сабылыкъ этеджек. Олар – Мен сачкъан фидан, къолларымнынъ иши, – Мени шуретлейджеклер.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Йирмея 23:6

Онынъ куньлеринде Ехуда къуртуладжакъ, Исраиль къоркъусыз яшайджакъ. Онъа: «РАББИ бизни акълай», – айтаджакълар.

Даниял 3:26

О заман Невукъаднеццар атештен къызгъан собанынъ къапусы янына барып: – Шадракъ, Мешакъ ве Авед-Него! Алла-Таалянынъ къуллары! Чыкъынъыз ве яныма келинъиз, – деди.

Даниял 6:20

Къуюгъа якъынлашып, о, аджыныкълы сеснен Даниялны чагъырды. Падиша Даниялгъа: – Даниял, Тири Алланынъ къулу! Сен даима ибадет эткен Алланъ сени арсланлардан къуртарып олдымы? – деди.

Матта 16:18

Шунынъ ичюн Мен санъа айтам: сен – Пётрсынъ, ве бу къаянынъ устюнде Мен Озь Топлашувымны къураджам. Оны олюлер дюньясынынъ кучьлери биле енъип оламайджакълар.

Римлилерге 10:4

Месих исе – Къануннынъ сонъудыр. Иман эткен эр адам Алланынъ огюнде акълана.

Римлилерге 3:22

Алла Иса Месихке инангъан эр бир адамны оларнынъ иманы ичюн акълай. Ве бунда адамларнынъ арасында ич бир фаркъ ёкъ.

Римлилерге 8:1

Бойледже, Иса Месихнен бир олгъанларгъа гуналары ичюн джеза олмайджакъ.

1 Коринтлилерге 1:30

Сиз Алланынъ арекети ичюн Иса Месихнен бирлештинъиз. Иса бизим ичюн Алланынъ икмети олды, бизни акълады, азиз этти ве къуртарды.

2 Коринтлилерге 5:21

Месихнинъ ярдымынен Алланынъ огюнде инсафлы сайылайыкъ деп, Алла гуна бильмеген Месихни гуналарымыз ичюн къурбан оларакъ кетирди.

Нун огълу Ехошуа 24:10

Лякин Мен Беламны динълемеге истемедим, ве о сизлерге яхшылыкъ тиледи. Мен сизни онынъ къолларындан къуртардым.

2 Пётр 1:1

Симон Пётр, Иса Месихнинъ къулу ве эльчиси, – Алламызнынъ ве Къуртарыджы Иса Месихнинъ догърулыгъына коре сизнен берабер къыйметли имангъа кельгенлерге:

Сырларнынъ ачылувы 12:10

О вакъытта коктен кучьлю сеснен айтылгъан бу сёзлерни эшиттим: – Энди Алламызнынъ къуртарувы, къудрети ве падишалыгъы, эм де Онынъ Месихининъ акимиети кельди. Энди агъа-къардашларымызны къабаатлагъан, Алламызнынъ огюнде оларны гедже-куньдюз яманлагъан бири котерип атылды.

1 Падишалар 23:17

Онъа бойле деди: – Къоркъма. Бабам Шаулнынъ къолуна тюшмейджексинъ, Исраильге падишалыкъ этеджексинъ. Мен исе сенден сонъ экинджи адам оладжагъым. Бабам Шаул буны биле.