Ешая 51:8 - Мукъаддес Китап

⁸ Сюме оларны, урбаны киби, ашайджакъ, къуртлар да оларны, къой юнюни киби, ашап битиреджек. Адалетим исе эбедий оладжакъ, несильден-несильгедже къуртарув береджегим.

Ешая 51:8 ပူးပေါင်းရင်းမြစ်များ

Эюп акъкъында китап 13:28

Беденим исе чюрюк шейге ошап дагъыла, сюме ашагъан урба киби ипрана.

Эюп акъкъында китап 4:19

Я адамлар акъкъында не айтмагъа мумкюн? Олар тоз-топракъта тургъан, балчыкътан япылгъан эвлерине ошайлар. Оларны сюмеден къолай эзмеге мумкюн.

Ешая 14:11

Арфаларынъ чалгъан авасынен буюклигинъ олюлернинъ дюньясына авдарылды. Къуртлар устюнде ятасынъ, орьтю киби, устюнъни къуртчыкълар къаплайлар.

Ешая 45:17

РАББИ Исраильни исе къуртараджакъ, Исраиль эбедиен къуртулгъан оладжакъ. Сизлер эбедиен не масхара оладжакъсынъыз, не де утанаджакъсынъыз.

Ешая 46:13

Догърулыгъымны якъынлаштырдым, энди о узакъ дегиль, къуртарышым кечикмейджек. Сионгъа къуртулышны, Исраильге дюльбер шуретимни береджегим.

Ешая 50:9

Мына, манъа РАББИ-ТААЛЯ ярдым эте, мени ким къабаатлайджакъ? Оларнынъ эписи, урба киби, ипранаджакъ, оларны сюме ашап битиреджек.

Ешая 51:6

Козьлеринъизни коклерге котеринъиз, сонъ ашагъы, ер юзюне бакъынъыз. Коклер, думан киби, гъайып оладжакъ, ер юзю, урба киби, ипранаджакъ, анда яшагъанлар, къурт-къырмыскъа киби, оледжек. Амма Мен эбедиен къуртарув береджегим, адалетимнинъ сонъу олмайджакъ.

Ешая 54:9

– Бу меним ичюн Нухнынъ сув ташкъыны кибидир. Нухнынъ сув ташкъыны ер юзюни бир даа басмайджакъ, деп ант эттим, ойле де, санъа ачувланмамагъа, сени серт опькелемемеге ант эттим.

Ешая 66:24

– Тышары чыкъкъанда исе, Менден юзь чевиргенлернинъ джесетлерине бакъаджакълар. Оларны кемирген къурт ольмез, якъкъан атеш сёнмез. Эр бир джан олардан нефретленеджек.

Даниял 9:24

Сенинъ халкъынъа ве азиз Ерусалим шеэринъе 70 кере еди йыл берильди. Бу вакъыт сонъуна акъсызлыкълар битеджек, гуналар кесиледжек, къабаатлар ичюн одеме этиледжек, эбедий акъикъат тикленеджек, руялар ве пейгъамберликлер беджериледжек ве азизлернинъ Азизи ягънен сюртюледжек.

Хошеа 5:12

Мен Эфраимни сюме киби ашайджагъым, Ехуда халкъыны къурт киби кемиреджегим.

Лука 1:50

Несильден несильге Оны урьмет эткенлерге О, мерамет эте.