Ешая 51:19 - Мукъаддес Китап

¹⁹ Башынъа эки беля тюшти, лякин сени ким аджыйджакъ? Зорбалыкъ, йыкъылув, ачлыкъ ве къылыч. Сенинъ гонълюнъни ким аладжакъ?

Ешая 51:19 ပူးပေါင်းရင်းမြစ်များ

Эюп акъкъында китап 2:11

Эюпнынъ учь досту бар эди: теманлы Элифаз, шуалы Билдад ве наамалы Цофар. Олар онынъ башына тюшкен бутюн белялар акъкъында эшитип, эр бири озь еринден ёлгъа чыкъып топлаштылар ве, оны аджып, рухуны котермек ичюн, онъа кетмеге анълаштылар.

Эюп акъкъында китап 42:11

О вакъыт бутюн огълан къардашлары ве къызкъардашлары, эвельки танышларнынъ эписи Эюпнынъ янына кельди ве эвинде онен берабер байрам яптылар. Къасеветлеринен пайлашып, РАББИ Эюпнынъ башына тюшюрген белялары ичюн гонълюни ала эдилер. Эр бири онъа пара ве бир алтын юзюк берди.

Джемаат башы 4:1

Сонъ мен ер юзюнде чешит тюрлю зулумлыкъларны корьдим. Мазлумларнынъ тёккен козьяшларыны ве оларгъа кимсе теселли бермейджегини корьдим. Кучь зулум эткенлернинъ къолунда, теселли береджек исе ёкъ.

Ешая 14:30

О заман энъ ёкъсуллар, яйладаки къойлар киби, тойып ашайджакълар, фукъарелер къоркъмайып юкълайджакълар. Сенинъ союнъны исе ачлыкътан ольдюреджегим, сагъ къалгъанларынъыз биле оледжек.

Ешая 22:4

Онынъ ичюн айттым: «Быракъынъыз мени, аджджы-аджджы агълайым, манъа юрек бермеге ашыкъманъыз, халкъым гъайып олды да!»

Ешая 47:9

– Бир кунь ичинде шу эки беля апансыздан башынъа тюшеджек. Ырымларынънынъ чокълугъына, тылсымларынънынъ буюк кучюне бакъмадан, эм бала аджджысыны кореджексинъ, эм тул къаладжакъсынъ, бу белялар толусынен сени къаплайджакъ.

Ешая 54:11

Эй, заваллы, борангъа тутулгъан, теселли тапмагъан шеэр! Ташларынъны ферузе устюне къояджагъым, темелинъни кок якъуттан япаджагъым.

Ешая 60:18

Топрагъынъда бир даа зорбалыкъ этмейджеклер, йыкъмайджакъ ве къырмайджакълар. Диварларынъа – «Къуртулыш», араба къапуларынъа – «Макътав» дейджексинъ.

Ешая 61:2

РАББИнинъ разылыгъы йылыны ве Алламызнынъ джеза кунюни беян этмеге, эписи агълагъанларнынъ гонъюллерини алмагъа,

Ешая 8:21

Олар ер юзю бою долашаджакълар, чекишип, ачлыкъ чекеджеклер. Ачлыкъ заманда ачувланып, падишаларыны ве аллаларыны къаргъайджакъ.

Ешая 9:20

Онъ тарафта ашайлар – ач къалалар, сол тарафта кемирелер – тоймайлар, эр бири озь къолуны ашап битире.

Йирмея 15:5

Сени ким аджыр, эй, Ерусалим? Сенинъ ичюн ким языкъсыныр? Санъа ким якъынлашыр? Алынъны ким сорар?

Йирмея 24:10

Оларгъа къаршы къылыч, ачлыкъ, ольдюриджи хасталыкъларны ёллайджагъым ве оларгъа ве баба-деделерине берген топракътан ёкъ этеджегим.

Агълав йырлары 1:12

Эй, сизлер, ёлдан кечкенлер! Башларынъызгъа бу тюшмесин! Бакъынъыз да корюнъиз, хасталыгъыма ошагъан хасталыкъ бармы? Бу хасталыкъны РАББИ башыма гъазабы алевленген куню ёллады!

Агълав йырлары 1:9

Этегинде арамлыкъ бар эди, амма не оладжагъыны тюшюнмеди; башкъаларны шашырып, пек ашаланды, гонъюль аладжакъ кимсеси де ёкъ эди. «Я РАББИ! Беляма бакъ! Душманым кучьлю олды!»

Агълав йырлары 3:47

къоркъугъа ве чукъурларгъа тюштик, беля-къазагъа огърадыкъ;

Ехезкель 14:15

Я да эгер Мен шу мемлекетке кийик айванларны йиберсем ве оны адамсыз къалдырсам, айванлар олгъаны ичюн бир кимсе андан кечип оламаса,

Ехезкель 14:21

РАББИ-ТААЛЯ шойле дей: Дёрт агъыр олюм джезасыны: дженкни, ачлыкъны, кийик айванларны ве ольдюриджи хасталыкъны, – Ерусалим шеэрине йиберем. Оларнынъ себебинден эм инсанлар ве айванлар гъайып олсун.

Амос 7:2

Сарынчкъалар мемлекеттеки отны ашап битиргенде, мен бойле дедим: – РАББИ-ТААЛЯ! Ялварам, багъышла! Якъупнынъ халкъы бунъа насыл даяныр? Кичик бир халкътыр о!

Нахум 3:7

Сени корьген эр ким сенден къачып: – Ниневе харап олды! Оны ким аджыйджакъ? Сенинъ гонълюнъни аладжакъ кимни тапайым? – дейджек.

2 Коринтлилерге 7:13

Бойлеликнен, биз юрек алдыкъ. Юрек алгъанымыздан гъайры, бизни даа зияде Титнинъ къуванчы севиндирди, чюнки эпинъиз онынъ рухуны пек котердинъиз.