Ешая 5:29 - Мукъаддес Китап

²⁹ Олар, арсланлар киби, багъыралар, яш арсланлар киби, къычыралар. Багъырып, гъаниметни тутар да, алып кетер, ич кимсе къуртулып оламаз.

Ешая 5:29 ပူးပေါင်းရင်းမြစ်များ

Башланув 49:9

Ехуда огълум, сен яш арслансынъ, гъаниметинънинъ устюнден котерилесинъ. О, арслан дайын, ер устюнде пысып отурды – оны раатсыз этмеге кимнинъ джесарети етер?

Ешая 10:6

Оны имансыз миллетке, Мени ачувландыргъан халкъкъа къаршы ёллайджагъым; оны бутюнлей чайпамагъа, эр шейини тартып алмагъа, оны, сокъакътаки чамурны киби, таптамагъа буюраджагъым.

Ешая 31:4

РАББИ манъа бойле деди: – Окюрген арслан, авнынъ устюнде багъыргъан яш арслан, чобанларнынъ чокълугъы онъа къычырса да, оларнынъ къычырувындан къалтырамаз, шаматасындан къоркъмаз. Ойле де Ордуларнынъ РАББИси, Сион дагъына, юксек байыргъа тюшип, дженк этеджек.

Ешая 35:9

Анда арсланлар олмайджакъ, йыртыджы айван да о ёлгъа чыкъмайджакъ. Олар анда тапылмайджакълар. Анда тек къуртулгъанлар юреджек.

Ешая 42:22

Амма бу халкъны харап эттилер, эр бир шейини тартып алдылар. Эписини къапкъан чукъурларына туттылар, зинданларгъа къапаттылар, мулькюни чайпап алдылар, ич кимсе оларны къуртармады. Чайпалгъанлар, кимсе де: «Кери къайтар!» – демей.

Ешая 47:15

Яшлыгъынъдан берли алыш-веришнен огърашкъан, бирликте хызмет эткен адамларынъ сенинъ ичюн ойле олды. Эр бири озь тарафына кетти, сени кимсе къуртармады.

Йирмея 2:15

Яш арсланлар онъа къаршы ырылдады, сес чыкъарды ве топрагъыны харап этти; шеэрлери якъылды, адамсыз къалды.

Йирмея 4:7

Арслан ормандан еринден чыкъа, халкъларны харап этмеге келе, мемлекетинъизни бош ве бакъымсыз этмек ичюн, озь еринден чыкъа. Шеэрлеринъ йыкъыладжакъ, адамсыз къаладжакъ.

Йирмея 49:19

Иорданнынъ чалылыгъындан ешиль отлакъларгъа арслан чыкъкъаны киби, Мен де апансыздан оларгъа атылып, эдомлыларны къувалайджагъым, ёлбашчыларыны джезаларым. Манъа ошагъан ким бар? Менден ким сорап олур? Манъа къаршы тураджакъ ёлбашчы бармы?

Йирмея 50:17

Исраиль – дагъылгъан къойлар кибидир, оларны арсланлар къувалады. Эвель Ашшурнынъ падишасы оны ашай эди, бу сонъкиси исе, Вавилон падишасы Невукъаднеццар онынъ кемиклерини къырды.

Йирмея 51:38

Арсланлар дайын, къычыралар, яш арсланлар киби, ырылдайлар.

Хошеа 11:10

Олар РАББИнинъ артындан кетеджеклер. Арслан киби, О, ырылдайджакъ. О, сесини береджек, ве огъуллары титреп, гъарптан келеджек.

Амос 3:8

Арслан окюрсе, ким титремез? РАББИ-ТААЛЯ айтса, ким пейгъамберлик этмез?

Микъа 5:8

Якъупнынъ къалгъан огъуллары халкъларнынъ арасында, чокъ миллетлернинъ арасында кийик айванларнынъ арасында арслан киби оладжакъ, къой сюрюсинде яш арслан киби оладжакъ. О, атыладжакъ, таптайджакъ ве парчалайджакъ, къуртулмагъа имкян къалдырмайджакъ.

Нахум 2:11

Къайда энди арслан къобасы? Арслан балалары авгъа чыкъкъан ер къайда? Арсланлар къорантасы ич кимседен къоркъмайып юрген ерлери къайда?

Цефанья 3:3

Онынъ башлыкълары – окюрген арсланлар, онынъ къадылары – акъшам авгъа чыкъкъан къашкъырлар киби, сабагъадже ич бир шей къалдырмай.

Зекерья 11:3

Чобанларнынъ агълагъанлары эшитиле, чюнки отлакълары бошап къалды. Яш арсланларнынъ ырылдысы эшитиле, чюнки Иорданнынъ гъуруры ёкъ олды.

Сайылар 24:9

Арслан киби, ыргъачы арслан киби, пысып ята, Оны котермеге кимнинъ кучю бар? Санъа яхшылыкъ тилеген яхшылыкъ корер, Сени къаргъагъан исе къаргъышкъа огърасын!