Ешая 5:20 - Мукъаддес Китап

²⁰ Яманлыкъкъа – яхшылыкъ, яхшылыкъкъа – яманлыкъ дегенлерге, къаранлыкъны – ярыкъкъа, ярыкъны – къаранлыкъкъа чевиргенлернинъ башларына, аджджы ерине татлыны, татлы ерине аджджыны бергенлерининъ башларына беля!

Ешая 5:20 ပူးပေါင်းရင်းမြစ်များ

Эюп акъкъында китап 17:12

Бу адамлар геджени куньдюзге чевирелер, «Ярыкъ якъын», – деселер де, къаранлыкъ чевре-четини къаплай.

Чыкъыш 23:7

Ялан шаатлыкъны къабул этменъиз. Акълы ве къабаатсыз адамгъа олюм джезасыны тайинлеменъиз. Мен бу акъсызлыкъта къабаатлы олгъан адамны багъышламам.

Икметли сёзлер 17:15

Эм яманны акълагъан, эм инсафлыны къабаатлагъан адамдан РАББИ нефретлене.

Икметли сёзлер 4:17

Олар отьмек ерине яманлыкъ ашайлар, шарап ерине – зорбалыкъ ичелер.

Ешая 24:9

Тюркю йырламай, шарап ичмейлер энди, ичкининъ леззети ичкенлер ичюн аджджыдыр.

Ешая 29:21

Адамларны лафларынен ёлдан ургъанлар, шеэр къапуларында акъикъатны къыдыргъанларгъа къапкъан къойгъанлар, адалетни ялан ёлунен ёкъ эткенлер гъайып оладжакълар.

Ешая 30:10

Не оладжагъыны эвельден бильгенлерге: «Не оладжагъыны эвельден бильмеге вазгечинъиз», – дейлер, пейгъамберлерге: «Бизге догърусыны айтманъыз, юрегимизге хош кельген шейни айтынъыз!

Ешая 32:5

Бир даа акъылсызгъа «мырза», алчакъ кишиге де «намуслы адам» айтмайджакълар.

Ехезкель 13:19

Бир къач авуч арпа, бир къач кесек отьмек ичюн сизлер Мени халкъым арасында ашалайсыз, яшамакъ керек олгъан адамгъа «сен оледжексинъ» дейсиз, ольмек керек олгъан адамгъа «сен яшайджакъсынъ» айтасыз. Ялан динълеген халкъымны сиз алдатасыз.

Амос 5:7

Эй, адалетни зеэрге чевиргенлер, акъикъатны ерге ургъанлар!

Микъа 3:2

Сизлер исе эйиликни севмейип, яманлыкъны севесинъиз. Халкъымнынъ терисини сыдырып, кемиклеринден этини айырасыз.

Хавакъкъукъ 1:4

Шу себептен къанун озь кучюни джойды, адалетли суд ёкъ. Яманлыкъ япкъан адам инсафлыны енъе, ве адамлар догърулыкъны бозалар.

Малакий 2:17

Сиз сёзлеринъизнен РАББИни ачувландырдынъыз. «Оны не ичюн ачувландырдыкъ?» – деп сорарсыз. Чюнки сиз: «Яманлыкъ эткен эр кес РАББИнинъ козюнде яхшыдыр. О, олардан разы», я да «Адалетли суд япкъан Алла не ерде?» – дейсинъиз.

Малакий 3:15

Шимди биз къопай адамларны бахтлы саямыз. Яманлыкъ эткенлернинъ иши юре, олар РАББИни сынасалар да, оларгъа бир шей олмай».

Лука 16:15

Амма Иса оларгъа: – Сиз адамларнынъ огюнде озюнъизни инсафлы этип косьтересиз, лякин Алла юреклеринъизни биле. Адамларда кокке котерильген шей Алланынъ огюнде пистир, – деди.

Къануннынъ текрары 25:1

Эгер эки адам арасында дава чыкъса, олар судгъа кетсинлер. Анда къадылар даваларыны чезсинлер ве акълы союны акъласынлар, къабаатлыны исе къабаатласынлар.

2 Пётр 2:1

Исраиль халкъы арасында яланджы пейгъамберлер бар эди, сизинъ аранъызда да яланджы оджалар оладжакъ. Олар сизинъ аранъызда гизлиден пек зарарлы огретювлерни даркъатаджакълар. Оларны сатын алгъан Эв Саибинден вазгечип, бу адамлар озь башларына тез олюм кетиреджеклер.