Ешая 48:19 - Мукъаддес Китап

¹⁹ Эвлятларынъ – къум киби, сенинъ торунларынъ – къум данелери киби чокъ сайылы олур эди. О заман адлары Меним огюмден силинмез, ёкъ олмаз эди.

Ешая 48:19 ပူးပေါင်းရင်းမြစ်များ

Башланув 13:16

Сенинъ эвлятларынъны Мен тоз дайын чокъ сайылы этерим: ер юзюнде тоз данелерини саймагъа имкян олмагъаны дайын, эвлятларынъны да саймагъа чареси олмаз.

Башланув 22:17

санъа мытлакъа бол эйиликни берерим, эвлятларынъны кок йылдызлары дайын, денъиз ялысындаки къум дайын, мытлакъа чокъ сайылы этерим. Сенинъ эвлятларынъ душманларыны енъеджеклер ве бойсундыраджакълар.

3 Падишалар 9:7

Мен Исраильни ер юзюнден, онъа берген топракътан ёкъ этерим, Меним Намым ичюн азиз эткен Сарайны да огюмден терк этерим. Сонъ эписи халкълар Исраильни мыскъыллап, онынъ акъкъында икяелер этеджеклер.

Эюп акъкъында китап 5:25

Балаларынъ чокълашаджакъ, эвлятларынъ да ер юзюндеки от киби оладжакъ.

Зебур 9:5

Сен суд этип, меним давамны чездинъ, тахткъа отурдынъ, адалетли суд эттинъ.

Ешая 10:22

Эй, Исраиль! Халкъынъ денъиз къуму къадар чокъ олса да, Аллагъа тек бир къач адам къайтаджакъ! Къырылувынъ эвельден язылгъан, адалет эр тарафлама даркъалгъан.

Ешая 14:22

– Оларгъа къаршы чыкъаджагъым, – дей Ордуларнынъ РАББИси. – Вавилоннынъ намыны ёкъ этеджегим, сагъ къалгъанларны, эвлятларыны ве несиллерини ольдюреджегим, – дей РАББИ.

Ешая 44:3

Сувсагъан топракъкъа сувларны, къуру ерге озенлерни акъызаджагъым. Балаларынъа Рухумны тёкеджегим, эвлятларынъа багъышлавымны береджегим.

Ешая 44:4

Сув акъымлары янында оськен сельбилер киби, отлар арасында оседжеклер.

Ешая 48:9

Адым ичюн гъазабымны ятыштырырым, Мени макътасынлар деп, Озюмни тутарым, сени къырмайджагъым.

Ешая 54:3

Сен сагъгъа ве солгъа джайыладжакъсынъ, эвлятларынъ халкъларнынъ топракъларыны аладжакъ, бакъымсыз шеэрлерде ерлешеджек.

Ешая 56:5

Мен эвимде ве диварларымда онъа огъулларымдан ве къызларымдан яхшы ад ве ер береджегим. Ёкъ олмайджакъ, эбедий бир адны береджегим.

Ешая 66:22

– Яратаджакъ янъы коклер ве янъы ер огюмде эбедиен тураджакъ, эвлятларынъыз ве сойларынъызнынъ адлары да эбедий оладжакъ, – дей РАББИ.

Ешая 9:14

РАББИ Исраильнинъ эм башыны, эм къуйругъыны кеседжек, бир куньде эм пальма фиданларыны, эм къамышларыны да кесип атаджакъ.

Йирмея 33:22

Кок ордусы сайылмаз, денъиз къуму данелери эсапланмаз. Къулум Давутнынъ эвлятларыны да, эм де Манъа хызмет эткен левийлилерни де ойле чокъ сайылы этеджегим.

Хошеа 1:10

Амма исраиллилер, денъиз къуму киби, чокъ оладжакъ. Оларны ич кимсе ольчемез, ич кимсе саймаз. «Сиз Алланынъ халкъы дегильсинъиз», – деген ерде оларгъа: «Сиз Тири Алланынъ огъулларысынъыз», – дейджеклер.

Цефанья 1:4

– Мен Ехудагъа ве Ерусалимде яшагъанларгъа къаршы чыкъаджагъым ве шу ерде Баалгъа ибадет ерининъ изини биле къалдырмайджагъым, путларгъа табынгъан руханийлернинъ адларыны да силеджегим.

Римлилерге 9:27

Ешая да Исраиль акъкъында бойле къычырып дей: Исраиль огъулларынынъ сайысы денъиз къуму къадар олса да, къуртулыш пек азы тападжакъ.

Къануннынъ текрары 9:14

Кет огюмден. Мен оларны ёкъ этерим, коклер тюбюнде адынынъ эсирини биле къалдырмайджагъым. Сенден исе олардан кучьлю ве чокъ сайылы миллетни асыл этерим», – деди.

Нун огълу Ехошуа 7:9

Ханаанлылар ве топракънынъ эписи адамлары буны эшитип, бизни сарып алырлар ве адымызны ер юзюнден силип ташларлар. Сонъ Сенинъ улу Адынънен не олур?

Рут акъкъында китап 4:10

Эм Махлоннынъ апайы моавлы Рутны да апай оларакъ алам. Бойлеликнен, ольгеннинъ ады озь топрагъында къаладжакъ, ве ольгеннинъ ады агъа-къардашларынынъ адлары арасындан ве шеэрден, онынъ еринден ёкъ олмайджакъ. Бугунь сиз бунъа шаатсынъыз, – деди.