Ешая 46:4 - Мукъаддес Китап

⁴ Къартлыгъынъызгъа къадар Мен денъишмем! Башынъыз чаларгъандже сизлерни къолумда ташыйджагъым. Сизни Мен яраттым, Мен де ташыйджагъым, Мен де къорчалайджагъым.

Ешая 46:4 ပူးပေါင်းရင်းမြစ်များ

Зебур 48:14

Оларнынъ бу ёлу – акъылсызлыкътыр, амма оларнынъ артларындан кеткенлер оларнынъ айткъанларыны къабул этер. Сэла

Зебур 68:19

Якъынджа келип, джанымны сатын ал, къуртар мени душманларымдан!

Зебур 71:18

РАББИ-Таалягъа, Исраильнинъ Алласына бинъ шукюр олсун! Аджайип ишлерини ялынъыз Озю япа!

Зебур 71:9

Сахранынъ халкъы Онынъ алдында тиз чёкеджек, душманлары топракъ ялайджакъ.

Ешая 41:4

Буларнынъ эписини ким япты? Мен келеджек несиллерни башындан чагъырам! Мен, РАББИ, – биринджим, сонъкилернен де оладжагъым!

Ешая 43:13

Дюнья къурулгъанындан берли Мен – Аллам! Къолумдан кимсе къуртармаз; Мен эткенимни кимсе къайтарып оламаз.

Ешая 43:25

Гуналарны багъышлагъан – Меним, тек Меним. Бир даа оларны акъылыма кетирмейджегим.

Ешая 48:12

– Эй, Якъуп, Мен чагъыргъан Исраиль, Мени динъле: – Бу – Меним! Мен – биринджи, Мен де – сонъки!

Малакий 2:16

– Кимнинъ озь апайыны кореджек козю олмайып, онен айырылса, о, зорбалыкъ япа, – дей РАББИ, Исраильнинъ Алласы. – Онынъ ичюн рухларынъызгъа мукъайт олып, хаинлик этменъиз, – дей Ордуларнынъ РАББИси.

Малакий 3:6

– Мен – РАББИм, Мен денъишмем. Онынъ ичюн сиз ёкъ олмадынъыз, эй, Якъупнынъ огъуллары!

Римлилерге 11:29

Алланынъ эйилиги ве чагъырувы денъишмез.

Къануннынъ текрары 1:31

Баба огълуны къолда ташыгъаны киби, Алланъыз олгъан РАББИ сизни бу сахрада бутюн ёл бою, бу ергедже кельмезден эвель, ташый эди, ве сиз шуны корьдинъиз», – дедим.

Еудийлерге 1:12

Сен оларны, эски килимни киби, сараджакъсынъ, кирли урба дайын, денъиштиреджексинъ. Сен Озюнъ исе денъишмейджексинъ, Сенинъ йылларынъ ич битмейджек.

Еудийлерге 13:8

Иса Месих денъишмез. О, тюневин, бугунь ве эбедиен айныдыр.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.