Ешая 46:2 - Мукъаддес Китап

² Берабер баш эгип, бель буктилер, юклерини къорчалап оламадылар, озьлери сюргюнликке кеттилер.

Ешая 46:2 ပူးပေါင်းရင်းမြစ်များ

2 Падишалар 5:21

Фелестинлилер анда озь путларыны ташлап къачтылар, Давут адамларынен исе оларны алды.

Ешая 30:6

Негев ерининъ айванлары акъкъында пейгъамберлик. Эльчилер кетип, арсланлар, йыланлар ве аждерхалар яшагъан топракътан, зулум чеккен ве сыкъынты корьген ерлерден кечелер, эшеклерининъ аркъаларына байлыкъларыны, девелерининъ орькечлерине хазинелерини юклеп, озьлерине ич бир файда кетирмейджек халкъкъа алып кетелер.

Ешая 37:12

Баба-деделерим ёкъ эткен миллетлерни аллалары къуртардымы? Гозан ве Харанны, Рецеф ве Телассардаки Эден огъулларыны къуртардылармы?

Ешая 37:19

оларнынъ аллаларыны атеште якътылар. Олар исе аллалар дегиль, олар инсан япкъан шейдир: агъач ве таш. Шунынъ ичюн де оларны ёкъ эттилер.

Ешая 44:17

Терекнинъ къалгъанындан исе алланы япар, озь путуны ясап, онъа табыныр, огюнде бель букип, онъа: «Ялварам, къуртар мени, сен – меним алламсынъ», – деп дува этер.

Ешая 45:20

Эй, халкълардан къачып къуртулгъанлар! Эпинъиз топлашып, яныма келинъиз. Озь агъач путуны ташыгъан, оларны къуртарып оламайджакъ аллагъа дува эткенлер ич бир шейни анъламайлар.

Йирмея 48:7

Ишлеринъе ве байлыгъынъа ишангъанынъ ичюн, сен де запт этиледжексинъ, Кемош алласы да озь руханийлеринен ве башлыкъларынен берабер сюргюнликке кетеджек.

Йирмея 51:47

Динъленъиз! Ойле куньлер келеджек ки, Мен Вавилон путларыны джезалайджагъым, бутюн мемлекети масхара оладжакъ, ольдюрильгенлер ерге тюшеджек.

Даниял 11:8

ве оларнынъ аллаларыны, путларыны, къыйметли алтын ве кумюш савутларыны алып, Мысыргъа кетеджек. Бир къач йыл о, шималь падишасындан устюн оладжакъ.

Нахум 1:14

Санъа исе, Ашшур, РАББИ шуны буюра: – Энди сенинъ адынъны ташыгъан эвлятларынъ олмайджакъ, таштан ве иритильген маденден япылгъан путларны алланънынъ эвинден ёкъ этеджегим, анда санъа къабир япаджагъым, ве сен масхара оладжакъсынъ.

Къадылар 18:24

Микъа оларгъа джевап берип: – Сизлер мен яптыргъан аллаларымны алып кеттинъиз, руханийимни де алып кеттинъиз, – деди. – Меним бир шейим къалмады! Даа да: «Не олды?» – деп сорайсызмы? – деди.

1 Падишалар 5:3

Эртеси куню ашдодлылар саба турып, бакъсалар, Дагон ерге авдарылып, РАББИнинъ Сандыгъы огюнде ята. Олар Дагонны алып, кене озь ерине къойдылар.