Ешая 43:6 - Мукъаддес Китап

⁶ Шималь тарафына: «Бер!» – айтаджагъым; дженюпке: «Токътатма! Огъулларымны узакътан, къызларымны ернинъ кенарындан кетир, – дейджегим.

Ешая 43:6 ပူးပေါင်းရင်းမြစ်များ

Зебур 107:3

Уянынъыз, эй, арфа ве сантыр! Мен танъда турарым!

Ешая 11:12

Миллетлерге хабер этип, байракъ котереджек, сюргюн этильген исраиллилерни топлайджакъ, ер юзюнинъ дёрт тарафында дагъылгъан ехудалыларны джыяджакъ.

Ешая 18:7

О заман Ордуларнынъ РАББИсине бахшыш кетиреджеклер. Озенлер больген топракъта яшагъан, бойлу ве тегиз тенли миллет, бутюн орталыкъта эр кеснинъ отюни патлаткъан, лафлары анълашылмагъан, эр шейни таптагъан халкъ бахшышыны Ордулар РАББИсининъ Намы булунгъан ерге, Сион дагъына кетиреджеклер.

Ешая 27:13

О куню буюк бору чаладжакъ ве Ашшур топрагъында гъайып олгъанлар ве Мысыр топрагъына сюргюн этильгенлер къайтаджакъ, Ерусалимдеки азиз дагъ устюнде РАББИге ибадет этеджеклер.

Ешая 45:22

Эй, дюньянынъ дёрт тарафындакилер! Манъа айланынъыз ве къуртулыш тапынъыз. Мен – Алла! Башкъасы ёкъ!

Ешая 49:12

Мына, базылары узакътан келеджек, башкъалары шималь тарафындан ве денъизден, даа башкъалары Синим тарафтан келеджеклер.

Ешая 49:22

РАББИ-ТААЛЯ бойле дей: – Бакъынъыз! Мен къолумны миллетлерге котереджегим, халкъларгъа байрагъымны юксельтеджегим. Олар огъулларынъны къолларында кетиреджек, къызларынъны омузларында ташыйджакълар.

Ешая 54:3

Сен сагъгъа ве солгъа джайыладжакъсынъ, эвлятларынъ халкъларнынъ топракъларыны аладжакъ, бакъымсыз шеэрлерде ерлешеджек.

Ешая 60:4

Козьлеринъни котерип, чевренъе бакъ: эписи топланып санъа келелер, узакътан огъулларынъ келе, къучакъта къызларынъны кетирелер.

Ешая 60:9

Манъа адалар ишаналар, башында Таршиш гемилери келелер, узакълардан кумюш ве алтынларынен огъулларынъны кетирелер, РАББИнинъ Ады, сенинъ Алланъ, Исраильнинъ Азизи ичюн шуны япалар. РАББИ сени шуретледи!

Ешая 66:20

О вакъыт бутюн халкъларнынъ арасында яшагъан эписи агъа-къардашларынъызны атларда, ачыкъ ве япыкъ арабаларда, къатырларда ве тез юрген девелерде азиз дагъыма, Ерусалимге РАББИге бахшыш оларакъ алып кетиреджеклер, – дей РАББИ. – Бунъа ошап, Исраиль огъуллары темиз савутларда РАББИнинъ Эвине ашлыкъ бахшышларыны кетирелер.

Йирмея 23:8

Бунынъ ерине: «Исраиль огъулларыны шималь мемлекетинден ве бутюн башкъа Озю къувалагъан мемлекетлерден чыкъаргъан ве алып кетирген РАББИ тиридир!» – дейджеклер. Олар озь топракъларында яшайджакълар.

Йирмея 29:14

Мен сизинъ огюнъизде пейда оладжагъым, – дей РАББИ, – ве сизлерни эпинъизни эсирликтен, Мен сизни къувалагъан эписи ерлерден ве халкълардан топлайджагъым, сизни сюргюнликтен ерлеринъизге къайтараджагъым, – дей РАББИ.

Йирмея 3:14

– Арткъа къайтынъыз, эй, ёлдан урулгъан балалар! – дей РАББИ. – Мен сизинъ эфендинъиз олдым. Шеэрлеринъизден бирер адам, къабилелеринъизден экишер адам алып, Сионгъа кетиреджегим,

Йирмея 31:8

Бакъынъыз! Мен оларны шималь мемлекетинден кетиририм, ер юзюнинъ кенарларындан топларым. Оларнынъ арасында кёр ве топаллар, юклю ве локъса апайлар оладжакътыр. Буюк джемаат олып, къайтаджакълар.

Ехезкель 36:24

Мен сизлерни халкъларнынъ арасындан чыкъараджагъым, эписи мемлекетлерден сизлерни топлайджагъым ве сизни топрагъынъызгъа алып келеджегим.

Ехезкель 37:21

ве оларгъа бойле айт: РАББИ-ТААЛЯ шойле дей: – Мына, Мен исраиллилерни олар баргъан халкъларнынъ арасындан чыкъараджагъым, эр ерден оларны топлайджагъым ве озь топракъларына алып келеджегим.

Ёэль 3:7

Мына, Мен оларны сиз саткъан еринъизден къайтараджагъым, оларгъа япкъанларынъызны сизге япаджагъым.

Зекерья 6:6

– Къара атлары олгъан араба шималь мемлекетке чыкъаята, беяз атлары олгъан араба оларнынъ артындан кете, ала атлары олгъан араба исе дженюп мемлекетке тараф чыкъаята.

Къануннынъ текрары 30:4

Сен ернинъ о бир четинедже дагъылгъан олсанъ биле, Алланъ олгъан РАББИ андан да сени джыяр, андан да алыр.