Ешая 43:23 - Мукъаддес Китап

²³ Бутюнлей якъыладжакъ къурбан оларакъ, Манъа озь къозуларынъны кетирмединъ, шуретиме къурбанларынъны чалмадынъ. Манъа ашлыкъ бахшышларыны кетирмеге сени хызмет эттирмедим, къокъулы отларны якъмагъа зорламадым.

Ешая 43:23 ပူးပေါင်းရင်းမြစ်များ

Нехемья 13:10

Даа мен бильдим ки, керекли пайлар левийлилерге берильмеген ве озь хызметлерини беджерген левийлилер ве йырджылар озь тарлаларына чапа-чапа къайтып кеткенлер.

Чыкъыш 30:34

РАББИ Мусагъа даа бойле деди: – Озюнъе мис къокъулы шейлерден ал: натаф сакъызыны, шехелетни, гузель къокъулы галбанны, темиз къара майны, эписи бир ольчюде олсун.

Икметли сёзлер 15:8

Яман адамларнынъ къурбанындан РАББИ нефретленир, догъру адамларнынъ дувасындан исе разы къалыр.

Икметли сёзлер 21:27

Яман адамларнынъ чалгъан къурбаны пистир, къара ниетнен чалынгъан къурбан ондан бетердир.

Икметли сёзлер 3:9

Мал-мулькюнъден ве эр бир ишинънинъ биринджи берекетинъден РАББИге пай айырып, Оны урьмет эт.

Ешая 66:3

Бугъаны сойгъан – адамны ольдюргенге ошай, къойны къурбан чалгъан – копекнинъ бойнуны къыргъан кибидир, ашлыкъ бахшышыны кетирген – домуз къаныны кетирген киби, къокъулы отларны якъкъан – бош путкъа ибадет эткен кибидир. Олар озь ёлларыны сайладылар, джанлары да эткен арамлыкъларындан кейф ала.

Йирмея 7:21

Ордуларнынъ РАББИси, Исраильнинъ Алласы бойле дей: – Бутюнлей якъыладжакъ къурбанларынъызны башкъа къурбанларынъызгъа къошунъыз да, эт ашанъыз.

Йирмея 7:22

Деделеринъизни Мысыр топрагъындан чыкъаргъан куню Мен бутюнлей якъыладжакъ къурбанлар ве башкъа къурбанлар акъкъында оларгъа ич бир шей айтмадым, ич бир шейни буюрмадым.

Левийлилер 2:1

Бир кимсе РАББИге ашлыкъ бахшышыны кетиргенде, бахшышы энъ яхшы богъдай унундан олсун. Адам уннынъ устюне зейтюн ягъыны акъызсын ве темиз къокъулы майны къойсун.

Левийлилер 24:7

Эр бир сыра устюне темиз къокъулы май къой. Бу, эслетме оларакъ, пите янында олып, РАББИге атеште якъыладжакъ бахшыш олсун.

Амос 5:25

Эй, Исраиль эви, къыркъ йыл сахрада Манъа къурбан ве ашлыкъ бахшышларыны кетирдинъизми?

Микъа 6:3

Эй, халкъым! Мен санъа не яптым? Санъа насыл агъырлыкъ эттим? Манъа джевап бер.

Малакий 3:8

Адам Алладан хырсызлап олурмы? Сиз исе Менден хырсызлайсынъыз. «Насыл этип Сенден хырсызладыкъ?» – деп сорарсыз. Онда бир пайны ве къурбанларны кетирмейип, сиз Менден хырсызлайсынъыз.

Матта 11:30

Меним сизге берген эмирлеримни беджермек къолай, Меним сизге берген юкюм енгиль!