Ешая 42:23 - Мукъаддес Китап

²³ Бунъа ким къулакъ асаджакъ? Ким дикъкъат этип, келеджекте эшитеджек?

Ешая 42:23 ပူးပေါင်းရင်းမြစ်များ

Ешая 42:22

Амма бу халкъны харап эттилер, эр бир шейини тартып алдылар. Эписини къапкъан чукъурларына туттылар, зинданларгъа къапаттылар, мулькюни чайпап алдылар, ич кимсе оларны къуртармады. Чайпалгъанлар, кимсе де: «Кери къайтар!» – демей.

Ешая 42:24

Якъупны харап этмеге, Исраильни чайпамагъа ким ёл берди? Биз РАББИнинъ огюнде гуна яптыкъ, шунынъ ичюн О, ойле шейлер япты. Исраиллилер Онынъ ёлларындан юрмеге истемедилер, Къануныны динълемедилер.

Ешая 48:18

Ах, сен Меним эмирлериме бойсунгъайдынъ! О заман тынчлыкъ-аманлыгъынъ – кениш дерья киби, догърулыгъынъ да – буюк денъиз далгъалары киби олур эди.

Йирмея 3:13

Тек къабаатынъны таны. РАББИге, сенинъ Алланъа къаршы чыкътынъ, ябанджыларнен эр даллы терек тюбюнде ябанджыларны бол-бол охшай эдинъ. Сесиме исе къулакъ асмадынъ, – дей РАББИ.

Йирмея 9:12

Буны анълайджакъ акъыллы адам бармы? РАББИнен лаф эткен адам не ерде? Мемлекет не себептен гъайып олгъаныны анълатсын, адамсыз чёль киби неден харап олгъаныны бильдирсин.

Микъа 6:9

РАББИ шеэрни чагъыра. Сенинъ Адынъдан къоркъмагъа – акъыллы шейдир. Къолунда падишанынъ акимиети олгъанны ве шу акимиетни онъа берген Биревнинъ сёзлерини динъленъиз.

Фаалиет 3:19

Бунынънен, гуналарынъыз багъышланмасы ичюн тёвбе этинъиз ве Алланынъ ёлуна къайтынъыз.

Къануннынъ текрары 32:29

Ах, акъыллы олып, олар буны анълап бильгейди, оларнен не оладжагъыны анълагъайды!