Ешая 42:21 - Мукъаддес Китап

²¹ Озь догърулыгъы ичюн РАББИ Къанунны юксельтмеге ве шуретлемеге истеди.

Ешая 42:21 ပူးပေါင်းရင်းမြစ်များ

Зебур 138:2

Отурып-тургъанымны Сен билесинъ, тюшюнджелеримни узакътан анълайсынъ.

Зебур 40:8

Мени кореджек козю олмагъанлар эписи озьара фысылдашып, манъа къаршы яманлыкъ япмагъа ниетленелер.

Зебур 71:16

Дюньяда чокъ ашлыкъ олсун, о, дагъларнынъ башында далгъалансын, мейва тереклери Ливан орманы киби олсун. Шеэр халкъы исе ердеки от киби чокълашсын.

Зебур 71:19

Онынъ шуретли Адына эр вакъыт шукюрлер олсун, бутюн ер юзю Онынъ шуретинен толсун! Амин! Амин!

Ешая 42:4

Ер юзюнде адалетни пекитмегендже, болдурмаз, такъаттан кесильмез, адалардаки халкълар Онынъ къанунына умют багълар.

Ешая 51:4

Эй, халкъым, Мени динъленъиз! Эй, джемаатым, Манъа къулакъ асынъыз! Менден Къанун чыкъаджакъ, халкъларгъа ярыкъ Меним адалетли судум оладжакъ.

Матта 17:5

Пётр бу сёзлерни даа айткъанда, апансыздан бир нур сачкъан булут пейда олып, оларны кольгесинен къапатты. Шу булут ичинден бир сес чыкъты: – Бу Меним севимли Огълумдыр, Мен Ондан разым! Оны динъленъиз!

Матта 3:15

Иса онъа джевап берип: – Шимди шай олсун, бизге Алланынъ истегенини япмакъ керек, – деди. Ягъя разы олды.

Матта 3:17

Коклерден: – Бу – Меним севимли Огълумдыр! Мен Ондан разым! – деген сес эшитильди.

Юхан 15:10

Мен Бабамнынъ эмирлерини тутып, Онынъ севгисинде булунам. Сиз де Меним эмирлеримни тутсанъыз, Меним севгимде булунаджакъсыз.

Юхан 8:29

Мени Ёллагъан Озюмнен. О, Мени ялынъыз къалдырмагъан, чюнки Мен эр вакъыт О бегенген ишлерни япам.

Римлилерге 10:4

Месих исе – Къануннынъ сонъудыр. Иман эткен эр адам Алланынъ огюнде акълана.

Римлилерге 3:31

Демек, биз иман ярдымынен Къанунны ёкъ этемизми? Асыл ёкъ! Иман ярдымынен биз Къанунны къавийлештиремиз.

Римлилерге 7:12

Бойлеликнен, Къанун азиздир, онынъ эмирлери де азиз, адалетли ве яхшыдыр.

Галатиядакилерге 3:13

Месих биз ичюн лянет олды ве бизни Къанун лянетинден сатын алып къуртарды. Бу акъта язылгъан ки, теректе эр бир асылып къалдырылгъан адам лянетлидир.

Галатиядакилерге 3:21

Демек, Къанун Алланынъ ваделерине къаршымы? Олмайджакъ шей! Эгер джанландыра бильген Къанун берильген олса, о вакъытта керчектен де, Къанунны беджерип акъланмагъа мумкюн олур эди.

Къануннынъ текрары 4:6

Оларны унутмайып тутунъыз. Онынъ ичюн башкъа халкълар сизни акъыллы ве анълагъан, деп саяджакълар. Бутюн бу низамнамелер акъкъында эшиткенинен, олар: «Ялынъыз бу миллет – акъыллы ве анълагъан халкътыр!» – дерлер.

Къануннынъ текрары 4:8

Бугунь мен огюнъизге бутюн бу къанунны къоям. О къадар адалетли низамнамелер ве къарарларгъа бойсунып яшагъан насылдыр бир къудретли халкъ бармы?

Еудийлерге 8:10

– О куньлерден сонъ Исраиль халкъына башкъа васиетни береджегим, – дей Рабби. – Къанунларымны башларынынъ ичине къояджагъым, юреклерине язаджагъым. Мен оларнынъ Алласы оладжагъым, олар исе Меним халкъым оладжакълар.