Ешая 41:22 - Мукъаддес Китап

²² Олар не оладжагъыны айтсынлар; кечмиште олгъаныны хабер этсинлер. Иште, айтынъыз, бизлер де тюшюнип, ненен битеджегини биледжекмиз. Я да келеджекте не оладжагъы акъкъында хабер этсинлер.

Ешая 41:22 ပူးပေါင်းရင်းမြစ်များ

Ешая 41:26

Мен билейим деп, бунынъ акъкъында башындан ким хабер этти? «О, догъру эди!» – дейик деп, буны ким бильдирди? Кимсе айтмады, кимсе хабер этмеди, кимсе сёзлеринъизни эшитмеди!

Ешая 42:9

Мына, эвельден хабер эткенлерим эписи олды, энди исе янъыларны хабер этем, олар ерине кельмезден эвель, сизге хабер этем.

Ешая 44:7

Мен киби олгъан бармы? Сесини чыкъарсын, къадимий халкъны яраткъан вакътымдан башлап, эр шейни бирер-бирер айтып берсин. Я да келеджекте оладжакъ шейлер акъкъында хабер этсин.

Ешая 45:21

Озьара акъыл танышып, айтынъыз, буны къадим замандан ким хабер этти, оладжагъындан эвель ким бильдирди? Мен РАББИм дегильми? Менден гъайры аллалар ёкъ! Мен – адалетли Алла ве Къуртарыджы! Менден башкъасы ёкъ!

Ешая 45:22

Эй, дюньянынъ дёрт тарафындакилер! Манъа айланынъыз ве къуртулыш тапынъыз. Мен – Алла! Башкъасы ёкъ!

Ешая 46:10

Башындан башлап сонъунадже оладжагъыны хабер этем, къадимий заманлардан даа олмагъан шейлер акъкъында айтам: – Ниетлерим оладжакъ, истеген эр шейни япаджагъым.

Ешая 48:14

Эпинъиз топланып, динъленъиз: Олардан къайсы бири буны эвельден бильдирди? РАББИ оны севди, ве о, Вавилонгъа япмагъа истегенини беджереджек, Онынъ кучюни къасдийлилерге косьтереджек.

Ешая 48:3

Олып кечкенлерни баягъы эвельден бильдирдим, агъзымны ачып айткъан эдим, хабер эттим ве апансыздан эттим, эписи ерине кельди.

Юхан 13:19

Шимдиден, даа бу вакъиалар олмаздан эвель, Мен буны сизге айтам, чюнки бу вакъиалар олгъан сонъ, сиз иман этеджексиз ки, Мен – Одырым.

Юхан 16:14

О, Мени шерефлейджек, чюнки Менден эшиткен шейлерни сизге ачыкъ-айдын этеджек.