Ешая 40:5 - Мукъаддес Китап

⁵ РАББИнинъ Шурети пейда оладжакъ, оны эр бир джан кореджек. Буны РАББИ Озю деди.

Ешая 40:5 ပူးပေါင်းရင်းမြစ်များ

3 Падишалар 14:11

Еровоамнынъ союнда ким шеэрде ольсе, оны копеклер ашап кетер, ким тарлада ольсе, оны кок къушлары чокъуп кетерлер”. РАББИ шойле деди!

Зебур 102:16

Онынъ устюнден ель эсип кече, ве о, ёкъ ола, онынъ ери биле оны танымаз.

Зебур 102:17

Амма РАББИнинъ севгиси эбедийдир, Ондан къоркъкъанларгъа бутюн асырларда даркъала.

Зебур 72:19

Апансыздан олар гъайып олды, оларнынъ сонъу кельди, къоркъунчлы белялар оларны къаплады.

Зебур 96:6

Коклер Онынъ догърулыгъыны бильдире, Онынъ шуретини бутюн халкълар коре.

Зебур 97:6

Боразан ве бору чалып, Падиша РАББИ огюнде къуванчнен къычырынъыз!

Чыкъыш 16:7

Сабалайын РАББИнинъ Шуретини корерсинъиз. О, Озюне къаршы олгъан шикяетинъизни эшитти. Я биз ким олгъанмыз? Не ичюн бизге къаршы шикяетленесинъиз? – дедилер.

Ешая 1:20

Эгер динълемейип, Менден вазгечсенъиз, сизлерни къылыч ашап битиреджек. Буны айткъан – РАББИдир.

Ешая 11:9

Бутюн азиз дагъымнынъ устюнде яманлыкъ этильмейджек, зарар кетирильмейджек. Сувлар денъизни насыл толдурсалар, РАББИ акъкъында бильги бутюн дюньяны толдураджакъ.

Ешая 26:15

Сен миллетни чокълаштырдынъ, я РАББИ, миллетни чокълаштырдынъ. Озюнъни шерефлединъ, мемлекетнинъ четлерини кенълештирдинъ.

Ешая 34:16

Оларнынъ эписи, бири четте къалмай, анда чифт-чифт пейда оладжакъ. РАББИнинъ Китабында тапып окъунъыз, айтылгъан эр шей мытлакъа оладжакъ. Бу эмир РАББИнинъ агъзындан чыкъты, Руху да оларны топлайджакъ.

Ешая 35:2

Аджайип чечекленип къуванаджакъ, къуванчнен къычырып шенъленеджек. Ливан шурети онынъ оладжакъ, Къармел дагъларынынъ ве Шарон тегизлигининъ дюльберлиги онъа бериледжек. Олар РАББИнинъ шуретини, Алламызнынъ дюльберлигини кореджеклер.

Ешая 40:4

– Эписи вадийлер толдурылсынлар, байырлар ве дагълар алчакъ этильсинлер. Къыйыш ёллар догъру олсунлар, чукъурлы ёлчыкълар тегиз этильсинлер!

Ешая 41:20

Халкълар корип бильсинлер, тюшюнип анъласынлар ки, бутюн бу шейлерни РАББИнинъ къолу этти, Исраильнинъ Азизи яратты.

Ешая 49:6

– Сен – Меним къулумсынъ, Якъупнынъ къабилелерини гъайрыдан тиклейджексинъ, Исраильнинъ къалгъанларыны къайтараджакъсынъ. Бундан гъайры, миллетлер ичюн бир ярыкъ оладжакъсынъ, сенинъ ярдымынънен дюньянынъ кенарларында яшагъанларны къуртараджагъым.

Ешая 52:10

Бутюн халкъларнынъ козю огюнде РАББИ Озь кучюни косьтерди. Дюньянынъ эписи кенарлары Алламызнынъ къуртарувыны кореджек.

Ешая 58:14

о заман РАББИде шенълик тападжакъсынъыз; ер юзюнинъ тёпелерине котерилип, деденъиз Якъупкъа берильген топракънынъ берекетини ашайджакъсынъыз, – дей РАББИ.

Ешая 6:3

Олар къычырып, бири-бирине бойле дей эдилер: – Ордуларнынъ РАББИси Мукъаддес, Мукъаддес, Мукъаддестир! Бутюн ер юзюни шурети толдура!

Ешая 60:1

– Тур, парылда, ярыгъынъ кельди, РАББИнинъ Шурети устюнъден догъды.

Ешая 66:16

РАББИ эр бир тири джанны атеш ве къылычнен суд этеджек, РАББИ чокъларны ольдюреджек.

Ешая 66:18

– Мен оларнынъ эткенлерини ве ниетлерини билем. Бутюн халкъларны, тюрлю тиллернен лаф эткенлерни топламагъа келеятам. Олар келип, шуретимни кореджеклер.

Ешая 66:23

– О заман эр янъы ай куню ве эр раатлыкъ куню эр джан огюме ибадет этмеге келеджек, – дей РАББИ.

Йирмея 32:27

– Мен – РАББИм, бутюн тири джанларнынъ Алласыдырым! Меним къолумдан кельмейджек шей бармы?

Йирмея 9:12

Буны анълайджакъ акъыллы адам бармы? РАББИнен лаф эткен адам не ерде? Мемлекет не себептен гъайып олгъаныны анълатсын, адамсыз чёль киби неден харап олгъаныны бильдирсин.

Ёэль 2:28

– Ондан сонъ Мен эр бир джангъа Рухумны береджегим, ве огъулларынъызнен къызларынъыз пейгъамберлик этеджек, сизинъ къартларынъыз тюшлер кореджек, ве йигитлеринъиз руялар кореджек.

Микъа 4:4

Лякин эр кес озь юзюм пытагъы тюбюнде, озь инджир тереги тюбюнде отураджакъ, ве оларны къоркъутаджакъ киши олмайджакъ. Ордуларнынъ РАББИси шойле айтты.

Хавакъкъукъ 2:14

Денъиз сувларгъа толгъаны киби, ер юзю РАББИнинъ шан-шуретини бильгенлернен толаджакъ.

Зекерья 2:13

Эй, эр тири джан, РАББИнинъ огюнде сесинъизни чыкъарманъыз! О, Озь азиз мескенинден чыкъып келе!

Лука 2:32

О – башкъа миллетлерни ярыкълатаджакъ Нурдыр, Сенинъ Исраиль халкъынънынъ шуретидир.

Лука 3:6

О вакъыт яшагъанларнынъ эписи Алладан къуртарувны кореджеклер.

Юхан 1:14

Сёз джан-тен олды ве бизим арамызда яшап башлады. Биз Онынъ шерефли ишлерини корьдик, Бабасынынъ бирден-бир Олгъанынынъ шерефли ишлерини. О, яхшылыкъкъа ве акъикъаткъа толу эди.

Юхан 12:41

Ешая буны айткъанда, Месихнинъ шуретини корип, Онынъ акъкъында айта эди.

Юхан 17:2

Сен Огълунъа берген адамларнынъ эписине О, эбедий аят берсин деп, Сен Онъа бутюн яшагъанларнынъ устюнде къудрет бердинъ.

Фаалиет 2:17

Мына, сонъки куньлерде бойле шей оладжакъ, – дей Алла: – Мен эписи адамларнынъ устюне Озь Рухумны ягъдыраджагъым. Сизинъ огъул ве къызларынъыз пейгъамберлик япаджакълар, йигитлеринъиз руялар кореджеклер, къартларынъыз беджериледжек тюшлер кореджеклер.

2 Коринтлилерге 3:18

Биз эпимиз ачыкъ бетнен Раббининъ шуретине бакъамыз, оны, кузьгю киби, косьтеремиз ве шуретимизни чокълаштырып, Раббининъ Рухунен Онъа ошап денъишемиз.

2 Коринтлилерге 4:6

Къаранлыкътан ярыкъ янсын деп, буюргъан Алла бизим юреклеримизни де ярыкълатты, бизге Иса Месихнинъ юзюнде янып тургъан Озюнинъ шуретини бильдирип косьтерди.

Еудийлерге 1:3

Огълунда Алланынъ Шурети парылдай, ве Онда Алланынъ Озю дос-догъру бутюнлей корюне. О, Озь къудретли Сёзюнен дюньядаки эр шейни бирликте багълап тура. Гуналар ичюн одеме эткен сонъ, О, юксекликтеки Юдже Алланынъ онъ тарафында ерлешти.

Сырларнынъ ачылувы 21:23

Шеэрни ярыкълатмакъ ичюн не кунеш, не ай керек; оны Алланынъ Шурети ярыкълатаджакъ; шеэрге Къозу нур сачаджакъ.