Ешая 4:5 - Мукъаддес Китап

⁵ РАББИ ойле япаджакъ ки, бутюн Сион дагъынынъ устюнде ве анда топлашкъанларнынъ устюнде куньдюзлери булут ве думан тураджакъ, геджелери исе парлакъ алевли атеш янаджакъ. Олар бутюн шуретли ерни къаплайджакъ

Ешая 4:5 ပူးပေါင်းရင်းမြစ်များ

Нехемья 9:12

Куньдюз Сен оларны булут диреги ярдымынен алып бардынъ, гедже исе кетеджек ёлларыны атеш дирегинен ярыкълаттынъ.

Зебур 105:39

Олар япкъан ишлери ичюн арам олдылар, арекетлеринен ороспулыкъ япкъан киби олдылар.

Зебур 111:1

Эльхамдюлилля! Не де бахтлыдыр РАББИден къоркъкъан, Онынъ эмирлеринде чокъ зевкъ тапкъан адам!

Зебур 85:9

Сен яраткъан бутюн халкълар келип, Сенинъ алдынъда бель букеджеклер ве Адынъны шуретлейджеклер, я Рабби!

Зебур 89:7

Сенинъ гъазабынъдан биз ёкъ олаятамыз, Сенинъ ачувынъдан биз шашмалаймыз.

Чыкъыш 14:24

Саба танъда РАББИ атеш ве булут дирегинден мысырлыларнынъ ордусына бакъты, ве оларнынъ сыраларыны къалабалыкъ этти.

Чыкъыш 24:16

Алланынъ Шурети Синай дагъына энди, ве онынъ устюни алты кунь булут къаплады, единджи куню исе РАББИ булутнынъ ичинден Мусаны чагъырды.

Чыкъыш 26:1

Мескенни он дане индже ишленген кетенден ве мор, мавылы къырмызы ве ачыкъ къырмызы юньден япылгъан безлерден яса. Оларнынъ устьлерине усталыкънен Керувларны нагъышла.

Чыкъыш 26:7

Мескеннинъ устюни къапатмакъ ичюн, эчки юнюнден безлер яп. Безлер он бир дане олсун.

Ешая 32:18

Сонъ халкъым аманлыкъ ерлеринде яшайджакъ, ич бир шейден къоркъмайджакъ, къасеветсиз ве раат оладжакъ.

Ешая 33:20

Байрам топлашувларымызнынъ шеэрине, Сионгъа бакъ! Козьлеринъ Ерусалимни, раатлыкъ ерини корьсюнлер. О – букленмез бир чадыр! Къазыкълары еринден чыкъмайджакъ, бир йипи узюльмейджек.

Ешая 37:35

– Озюм ичюн, къулум Давут хатири ичюн Мен бу шеэрни къорчалайджагъым».

Ешая 46:13

Догърулыгъымны якъынлаштырдым, энди о узакъ дегиль, къуртарышым кечикмейджек. Сионгъа къуртулышны, Исраильге дюльбер шуретимни береджегим.

Ешая 60:1

– Тур, парылда, ярыгъынъ кельди, РАББИнинъ Шурети устюнъден догъды.

Ешая 60:2

Бакъынъыз! Дюньяны къаранлыкъ къаплайджакъ, халкъларны къою булутлар япаджакъ, сенинъ устюнъден исе РАББИ котериледжек, устюнъден Шурети корюнеджек.

Матта 18:20

Меним ичюн эки я да учь адам топланса, шу ерде оларнынъ арасында Мен де олурым.