Ешая 37:1 - Мукъаддес Китап

¹ Буларны эшиткен Хизкия устюндеки урбаларыны йыртты, чувал токъумасындан тикильген урбаны кийип, РАББИнинъ Сарайына кетти.

Ешая 37:1 ပူးပေါင်းရင်းမြစ်များ

4 Падишалар 22:11

Падиша Къанун Китабынынъ сёзлерини эшиткенинен, устюндеки урбаларыны йыртты,

2 Тарих вакъиалары 32:20

Хизкия падиша ве Амоцнынъ огълу пейгъамбер Ешая бунынъ акъкъында дува этип, коклерге ялвардылар.

Узеир 9:5

Акъшам къурбанлары кетириледжек вакъты кельгенде, мен къасевет эткен еримден турдым, йыртыкъ усть ве ич урбаларымда тизлериме чёктим де, къолларымны Аллам РАББИге узаттым.

Эстер 4:1

Мордекъай эр олып кечкен шейни бильген сонъ, озь урбаларыны йыртты, устюне чувал токъумасыны кийди, озь башына куль септи, шеэрнинъ меркезине барды ве къычырып аджджы сеснен агълап башлады.

Ешая 22:12

Шунынъ ичюн о куню Ордуларнынъ РАББИ-ТААЛЯсы сизни агъламагъа, айтынмагъа, сачларынъызны кесмеге, чувал токъумаларына кийинмеге чагъыра.

Ешая 36:22

Сонъ Хилкиянынъ огълу сарай башлыгъы Эльяким, языджы Шевна ве Асафнынъ огълу Ёах тарихчы урбаларыны йыртып, Хизкиягъа кельдилер, онъа орду башынынъ сёзлерини айтып бердилер.

Ешая 37:14

Хизкия эльчилернинъ къолларындан мектюпни алып, оны окъуды. Сонъ РАББИнинъ Сарайына кетип, мектюпни РАББИнинъ огюнде ачты.

Йирмея 26:19

Лякин Ехуданынъ падишасы Хизкия ве бутюн ехудалы оны бунынъ ичюн ольдюрдилерми? Падиша РАББИден къоркъып, Онъа ялвармадымы? Сонъ РАББИ оларны аджып, оларгъа айткъан беляны ёлламады. Бизлер исе озь джанларымызгъа буюк яманлыкъ япамыз, – дедилер.

Йирмея 36:24

Бу сёзлернинъ эписини эшиткен не падиша, не бутюн хызметчилери къоркъмадылар, урбаларыны йыртмадылар.

Матта 11:21

– Сенинъ алынъ беля, эй, Хоразин! Сенинъ алынъ беля, эй, Бетсайда! Сизлерде олгъан аджайип шейлер Тир ве Сидон шеэрлеринде олгъан олса, олар чокътан чувал токъумасына сарылып, устьлерине куль сепип, тёвбе этер эдилер.