Ешая 33:4 - Мукъаддес Китап

⁴ Тыртырлар киби, адамлар гъаниметни джыялар, онъа, сарынчкъа дайын, атылалар.

Ешая 33:4 ပူးပေါင်းရင်းမြစ်များ

2 Тарих вакъиалары 14:13

Аса ве онынъ ордусы оларны тап Герар шеэрине къадар къувалады. Хушлулар ольдюрильдилер, РАББИ ве Онынъ ордусы тарафындан енъильдилер, оларнынъ ич бириси тири къалмады. Аса пек буюк гъаниметни эльде этти.

2 Тарих вакъиалары 20:25

Ехошафат ве онынъ халкъы оларны чайпап башладылар. Олар чокътан-чокъ мал, урбалар ве къыйметли шейлер таптылар. Олар шу къадар шей топлады ки, тап оларнынъ эписини алып кетип оламадылар. Шу маллар о къадар чокъ эди ки, оны учь кунь девамында ташыдылар.

Ешая 33:23

Гемидеки аркъанларынъ бошады, мачтаны тутып оламайлар, елькенни котермеге мумкюн дегиль. О заман буюк гъанимет пай этиледжек, топаллар биле чайпавгъа къошуладжакъ.

Ешая 33:3

Шамата сесинден халкълар къачалар, аякъкъа тургъанынъда, миллетлер чевре-четке чапалар.

Ешая 33:5

Юксеклерде отургъан РАББИ юджедир! О Сионны адалетке ве догърулыкъкъа толдураджакъ.

Ехезкель 25:7

Шунынъ ичюн Мен санъа къаршы къолумны котерип, башкъа халкъларгъа сени чайпамагъа ёл ачаджагъым. Сени халкълар арасындан ёкъ этеджегим, мемлекетлер арасындан чыкъарып ташлайджагъым, бутюнлей сени гъайып этеджегим. О заман Мен – РАББИ олгъанымны билирсинъ».

Ёэль 1:4

Тыртырлардан къалгъаныны сарынчкъалар ашады, сарынчкъалардан къалгъаныны чегерткилер ашады, чегерткилерден къалгъаныны къонъузлар ашап битирди.

Ёэль 2:25

Берекетинъизни тыртыр, сарынчкъа, чегертки ве къонъузлар ашагъан йыллары ичюн, сизге къаршы ёллагъан буюк ордум ичюн акъкъынъызны къайтарырым.

Ёэль 2:3

Оларнынъ огюнде атеш якъа, артында алев яндыра. Огдеки топракълар – Эдем багъчасы кибидир, артларындан исе бош чёллерге чевирилир. Ич бир шей олардан къуртулып оламаз.

Ёэль 2:9

Шеэр бою чапкъалайлар, диварларгъа тырмашалар, эвлернинъ устюне чыкъалар, хырсызлар киби, пенджерелерден кирелер.