Ешая 32:10 - Мукъаддес Китап

¹⁰ Бир йылдан азачыкъ зияде кечкен сонъ, къоркъудан къалтырайджакъсынъыз, эй, къайгъысызлар! Юзюм багълары мейва бермез, оракъ вакътында джыйыладжакъ берекет олмаз.

Ешая 32:10 ပူးပေါင်းရင်းမြစ်များ

Ешая 16:10

Багъчалардан шенълик ве къуванч гъайып олды, юзюм багъларында къуванчнен къычырмай ве йырламайлар, юзюм сыкъылгъан чукъурларында юзюм таптамайлар. Мен къуванчны токътаттым.

Ешая 7:23

О куню фияты бинъ кумюш олгъан бинъ юзюм чубугъы оськен юзюмликлер тикенлернен кийик отлар оськен ерлерге чевириледжеклер.

Йирмея 8:13

– Берекетлерини бутюнлей джыяджагъым, – дей РАББИ. Юзюм багъында бир юзюм данеси, инджир терегинде бир инджир къалмайджакъ, япракълары да солып къуруйджакъ. Оларгъа не берген олсам, гъайып оладжакъ.

Хошеа 2:12

Бутюн юзюмликлерини ве инджир тереклерини бакъымсыз къалдыраджагъым, чюнки о: «Мен буларны къазандым, олар – ойнашларым манъа берген бахшышлардыр» – деди. Мен оларны орманлыкъкъа чевиреджегим, олар кийик айванларгъа аш оладжакъ.

Хошеа 3:4

Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.

Ёэль 1:12

Юзюм кутюклери къуруды, инджир тереги солып къалды. Нар, хурма ве алма, бутюн тарладаки тереклер къуруды. Адам огъулларынынъ шенълиги де ёкъ олды.

Ёэль 1:5

Эй, сархошлар, уянынъыз! Эй, шарап ичкенлер, агъланъыз ве сызланъыз, – агъызларынъыздан юзюм шырасыны тартып алдылар!

Ёэль 1:7

Олар юзюм кутюгимни къырды, инджир терегимни йыкъты, къабукъларыны айырып ерге атты, пытакъларыны бем-беяз къалдырды.

Хавакъкъукъ 3:17

Инджир тереги ачмаса да, юзюм пытагъы емиш бермесе де, зейтюн берекет бермесе де, тарлада отьмек етишмесе де, къошта къойлар къалмаса да, аранда тувар къалмаса биле –

Цефанья 1:13

Оларнынъ зенгинлиги тартып алынаджакъ, оларнынъ эвлери бакъымсыз къаладжакъ. Олар эвлер къураджакъ да, эвлеринде яшамайджакълар. Юзюм багъчаларыны сачаджакъ да, шарабыны ичмейджеклер.