Ешая 3:16 - Мукъаддес Китап

¹⁶ РАББИ бойле деди: – Сион къызлары къопай олып юрелер, башларыны юксек котерелер, козьлерини къымып ойнайлар, яваш-яваш адымлайлар, аякъларындаки зынджырларынен шакъырдайлар.

Ешая 3:16 ပူးပေါင်းရင်းမြစ်များ

Икметли сёзлер 16:18

Кибир артындан – эляк, къопайлыкъ артындан – йыкъылув келир.

Икметли сёзлер 21:4

Козьлернинъ кибирлилиги, юрекнинъ магърурлыгъы, яманларнынъ нуру – гунадыр.

Икметли сёзлер 30:13

Ойле несиль бар ки, озьлерини эр кестен устюн тутар, эр кеске тёпеден бакъар.

Энъ яхшы йыр 3:11

Келинъиз, эй, Сион къызлары, Сулейман падишагъа бакъынъыз! Онынъ башында – гузель тадж! Юреги ичюн къуванчлы кунюнде, Сулейман эвленген кунюнде онынъ анасы онъа бу таджны кийдирди!

Ешая 1:8

Сион къызы – юзюм багъындаки, бостандаки чалаш киби, алкъагъа алынгъан шеэр киби къалды.

Ешая 24:4

Ер юзю къуруп сола, дюнья харап ола, ер юзюндеки кучьлю адамлар такъаттан кесиле.

Ешая 3:1

Иште, Рабби, Ордуларнынъ РАББИси, Ерусалим ве Ехуда ишангъан емек ве аш-сувларыны, отьмек ве сув запасларыны ёкъ этеджек.

Ешая 3:17

Шунынъ ичюн Рабби Сион къызларынынъ башларыны тыраш этеджек, масхаралыгъынъызны РАББИ ачаджакъ.

Ешая 3:18

О куню Рабби оларнынъ аякъларындаки дюльбер зынджырларыны, йылдызчыкъ ве айчыкъларыны,

Ешая 3:4

Яш огъланларны оларгъа башлыкъ этеджек, къылынгъан балалар истегенлерине коре оларгъа шорбаджылыкъ этеджек.

Ешая 4:4

Рабби Сион къызларынынъ арамлыкъларыны юваджакъ, адалетли суд ве атеш рухунен Ерусалимни анда тёкюльген къандан темизлейджек.

Цефанья 3:11

О куню сен Манъа къаршы япкъан яманлыкъларынънен озюнъни масхара этмейджексинъ. Мен сенинъ аранъдан къопай ве бурун котерген эр бир адамны узакълаштыраджагъым. Сен Меним мукъаддес дагъымда башкъа озюнъни юксек тутмайджакъсынъ.

Матта 21:5

Сион къызына айтынъыз: – Мына, Озю алчакъгонъюлли, яш эшекнинъ ве юк ташыгъан эшекнинъ баласы устюнде янынъа сенинъ Падишанъ келе.

Лука 23:28

Иса оларгъа айланып: – Эй, Ерусалим къызлары! Меним огърумда агъламанъыз. Озюнъиз ве балаларынъыз огърунда агъланъыз.